VOV4.K’ho - Mờ ală bơta kuơ bè ù tiah bòn lơgar mờ trồ tiah mrềt niam ngan bal mờ ală bơta pơn rơ is niam bơne\ ngan bè bơta chài rơ gơi bơh làng bol ală kòn cau tàm tiah do dê, bơh jo\ Mẫu Sơn, neh geh bơta pràn lơh gơ hòi gơ jà cau uă ngan tus mờ nac nhơl chờ, lòt còp sền, ơm rlô să pah tu\ tus càr Lạng Sơn. Ală ngai bồ nam pa 2015 do, dơ\ sơn rờp gah nhơl chờ càr Lạng Sơn bơyai lơh Ngai chờ nhơl chờ nhai mrềt Mẫu Sơn, cèng tus uă bơta sền go\ niam ngan tus mờ nac nhơl chờ in, sền do là dùl tàm ală broă lơh kuơmàng nàng lơh geh jơnau kờn gơ hòi 2 tơlak nă nac nhơl chờ tus mờ Lạng Sơn nam 2015.

            Bồ bơnơm Mẫu Sơn gùt nam sùm gơ glòm mhual, chi tu\ lơi kung gơ glòm mhual. Nhai mrềt, mrềt tàm Mẫu Sơn geh ngai gơmù hờ đơm không độ, sùm mrềt noat ngan, geh ngai geh gơ dùh piar. Lòt nhơl chờ nàng git geh bơta mriềt bơh tiah bơnơm jơnhua rlau 1 rbô thơt pơndrờm mờ mat dà lềng mờ sền piar gơ dùh tàm đang bơnơm Mẫu Sơn neh bơh jo\ ngan gơs bơta kờ` bơh ua\ ngan cau nac. Lo\ Đỗ Thị Thái Hà dùl  na\ cau nac nhơl chờ bơh Bắc Giang ai git: Dơ\ sơnrờp bal mờ hìu nha\ tus bal dơ\ nhơl chờ nhai mrềt Mẫu Sơn, bulah mrềt jơh jơng tê mơya gơ lam gơ lơh kờ` ngan geh tus sền bơnơm Mẫu Sơn tu\ àng, tu\ jơngo tàm mhual:“A` chờ ngan mờ bơta gơ lơh krơi is, dơ\ sơnrờp geh ai go\ gơ mrềt ngan bè do, mrềt gơmut jơh tàm sa\, tàm poac. A` gơlơh kờ` ngan tu\ tus tàm do. A` geh yal mờ gơp bơyô tus lòt nhơl tàm do”.

            Nhơl chờ Mẫu Sơn ờ mìng gơ hòi cau nac tài phan geh is niam, trồ tiah tu\ lơi kung rơm hơm niam mờ gam bơta niam bơh bơhìan niam  krơi bơh ala\ làng bol kòn cau Dao, Nùng, Tày ơm kis tàm do. Cau nac gam geh sền git broa\ lơh ka` bơh nha chi nàng be\ tơrnờm, geh `ô ơlak Mẫu Sơn bơkah ngan, geh sền tru\ gơm phan sa bơhàn bơh ala\ kòn cau tiah kơh bơnơm jơnhua bè prùng mbar tàm ding đơr, lơh poac sur kuay, iar buh…Ua\ broa\ lơh đơs crih tam ya chài rgơi geh bơyai lơh nàng cèng geh bơta chờ hờp, gơ kờ` ngan  tus mờ cau nac bè đơs tam hơ, tam ya kơm buat, lơh võ bơhìan yau, lơh bơyai lơh chờ cau klau dờng kràn bơh cau Dao…Bi Lê Đức Mạnh kis tàm gùng Hàng Da, Hà Nội lòt nhơl chờ tàm Mẫu Sơn ai git:“A` ờ hềt tus Lạng Sơn dơ\ lơi den tàng tu\ do kờ` guh tus sền bè gơlơh. A` go\ Mẫu Sơn mrềt ngan hơ\ kung la bơta mờ a` ờ hềt git, ờ hềt tìp den tàng a` kờ` ngan”.

            Mờ broa\ bơyai lơh ngai chờ nhơl chờ nhai mrềt Mẫu Sơn 2015, càr Lạng Sơn kơp kờ` geh yal tơnggit mờ cau nac ala\ bơta kuơ rài kah yau, chài rgơi, phan geh is brồ bơnơm dờng, bơta niam le\ tàm phan sa bơh tiah Lạng dê… kờ` gơ hòi slơ ngai slơ geh ua\ ngan cau nac tus tàm do rlô sa\ kung bè ala\ cau bơcri bơt bơtàu Mẫu Sơn gơs la dùl 46 anih nhơl chờ gơ hòi gơ jà ngan tàm gùt lơgar, geh bơta pràn mờ bơta chài gơs tiah nhơl chờ khà dà lơgar. Mò Bế Thị Thu Hiền kuang jat  jơng atbồ Gah chài rgơi tàp pràn sa\ ja` mờ nhơl chờ càr Lạng Sơn, ai git:“Do la dùl broa\ lơh nàng lơh geh phan nhơl chờ pa ai tus nhơl chờ đơs  bal mờ Lạng Sơn đơs is. Mơ kung la phan pa tus gah nhơl chờ ala\  càr tàm đah tô mat tơngai lik dà lơgar. Tiah nhơl chờ Mẫu Sơn  geh đơs la geh bơta pràn bơh jo\ ngan. Den tàng, tu\ do, càr Lạng Sơn gam rhời mut lơh broa\ lơh rơndap broa\  nàng geh dờp rơndap tiah nhơl chờ Mẫu Sơn la tiah nhơl chờ geh tơl khàm lơh di ala\ bơta khà di ala\ tiah nhơl chờ dà lơgar. La  bơrnàng ja\ nàng gơ hòi bơcri nhơl chờ, kung bè geh lơh bal mờ ala\ tiah ndai tàm gùt lơgar kờ` lơh geh ala\ phan bơna bơh broa\ lơh nhơl chờ geh ai go\ bơta niam krơi is bơh nhơl chờ Mẫu Sơn…”

            Bơta niam bè phan geh is, trồ tiah neh lơh geh bơta gơ hòi gơ jà bơh Mẫu Sơn tus mờ cau nac dê. Nàng nhơl chờ Mẫu Sơn geh gơ gơs la dùl sơnđan mat geh tàm kơnhoàl, bơh dà lơgar den kờ` ngan geh bơta bơcri dùl ròt. Ờ mìng la lơh hìu nac, drơng broa\ ơm sa, bic mang, mờ kuơ màng rlau tai la pal gơ hòi  cau nac bơh bơta krơi is tàm chài rgơi, broa\  git gơp. Ờ mìng geh brê bơnơm, càl mhual đang bơnơm Mẫu Sơn, bơta li la tàm broa\ lơh ala\ phan nhơl chờ, tus sền ơm rlô sa\, bơhìan chài rgơi yau, nhơl chờ huềng soàn, blơi ngui sa ala\ phan sa bơh [òn lơgar, geh lơh bal tàm tơl làm dơ\ nhơl chờ,  phan nhơl chờ bơh ala\ càr tàm đah tô mat tơngai lik dà lơgar geh la tơrbo\ jòng ala\ cơnđoà jơng cau nac tus mờ tiah Lạng  Sơn rnàng tơnơ\ do.

                                                       }au mblàng K’ Brọp