VOV4.K’ho – Bulah rài kis, [òn lơgar krơi is, mơya nùs nhơm pơgru mờ kơnòm bơsram den digơlan tàm tiah lơi kung bềng lơm bơta kờ` gơboh. Mờ ndrờm bè, nùs nhơm hơ\ ngai sơlơ jrô ơnàng uă rlau tai tàm ală hìu bơsram tàm bồt Trường Sa king cru\ bơh Dà lơgar dê. Ờ mìng bơto sră kơnòm bơsram in, klau pơgru Nguyễn Ngọc Hạ mờ Lê Anh Đức gam sền kơnòm bơsram tàm Hìu bơsram kai I bồt Sinh Tồn ndrờm bè cau pròc mhàm tờm tàm hìu bơnhă he dê sơl. Di ngai Sơnđờm mu\t nam bơsram pa 2015- 2016, Ngai jơh gùt làng bol jun kòn dềt lòt bơsram, boh he lòt còp bal ală hìu bơsram tàm bồt Trường Sa:

Nam bơsram do là nam dơ\ pe klau pơgru Lê Anh Đức bơto tàm Hìu bơsram kai I bồt Sinh Tồn, bơto sră ală kơnòm bơsram tàm sơnam pa bơsram sền akhar, bơsram cih. 28 sơnam, ờ hềt bau, mơya klau pơgru Đức sền ală “Oh dềt bè [ang pa bu\t hơ\ ndrờm bè oh kòn tờm tàm hìu bơnhă he dê. Sơlơ\u wơl, pơgru Đức kung dờp geh bơta kờ` gơboh ngan bơh ală oh dê, bơta sền dờng màng bè bèp, bè bi pròc mhàm tờm bơh he dê. Klau pơgru Lê Anh Đức, đơs bè do: “Bơta boh bơr bơh ală oh dê balhiă mờ song dơ pă ngan. Ală oh sùm lòt tus hờ hìu bơsram boh bơr yal jơnau mờ ală pơgru, halà tìp ală broă lơh kal ke tu\ mờ ală akhar kal ke den kung jà sơl pơgru bơto [à akhar do là akhar lơi…Đơs bal là kơnòl kung bè broă lơh bơh cau pơgru dê tàm do den a` geh lơh ngan jơh pràn, a` geh bơto yal jơh ală jơnau tàm sră, dong ală oh geh uă jơnau gi\t wa\ jak chài kuơmàng bơh kơnòm bơsram kai I dê nàng tơnơ\ do ală oh tus hờ ù gờl gơtùi bơsram ơdu\ jơnhoa rlau tai…”

Bơto sră bal mờ klau pơgru Lê Anh Đức tàm Hìu bơsram kai I bồt Sinh Tồn là klau pơgru Nguyễn Ngọc Hạ, 26 sơnam. Bơta sền go\ bơh klau pơgru Hạ dê là ală kơnòm bơsram tàm do kờ` ngan bơsram. Bulah ngài mờ ù gờl, ờ huan geh uă cau bơyô, mơya ală oh lơh ngan bơsram tơryang tơryồng mờ bơsram jak ngan. Tàm tu\ bơto, ală cau pơgru ờ mìng bơto tơl jơh ală jơnau tàm sră bơh tơl ơdu\ dê mờ Gah Bơto bơtê mờ bơsram dà lơgar neh sồr mờ gam bơyai lơh ală ơdu\ bơto ndai tai, bơto bơta chài ơm kis nàng ală oh in pin dờn mờ khin cha kis gơrờm bal mờ ală bơyô tàm ù gờl.

Jat broă rơndăp lơh, bàr nă klau pơgru Lê Anh Đức mờ Nguyễn Ngọc Hạ geh 5 nam bơto tàm Hìu bơsram kai I bồt Sinh Tồn, kơnhoàl bồt Trường Sa. Rlau 2 nam bơto sră kơnòm bơsram in tàm tiah dà lềng bồt bơlào king cru\ ngan bơh Dà lơgar dê là ală ngai nhai ală pơgru đơs là bơtuah bơtoài ngan tu\ geh bơto sră mờ dờp geh bơta kờ` gơboh bè cau pròc mhàm tờm. Klau pơgru Nguyễn Ngọc Hạ, ngoh rơngac đơs: “Tiah do kung ndrờm bè hìu bơnhă dơ\ 2 bơh a` dê sơl. A` ơm kis, a` lơh broă kung tàm do, bal mờ ală cau mè bèp kơnòm bơsram, ală kơnòm bơsram kờ` gơboh ngan bơh a` dê…ală oh kung gơlơh ndrờm bè ală sau, ală oh, ală kòn tàm hìu bơnhă a` dê sơl…mờ ală oh kung sền ală cau pơgru ndrờm bè cau bi cau bèp, cau wa bơh he dê sơl…tam klac bal đềt mềr ngan bal mờ gơ\p”.

Tu\ lùp bè cau pơgru bơh he dê, Nguyễn Trầm Anh Luân, nam do bơsram ơdu\ 5, là kơnòm bơsram dờng ngan rlau jơh bơh hìu bơsram dê, đơs: Oh chờ hờp ngan tu\ gơs là kơnòm bơsram jak mờ sùm geh klau pơgru jờng rơ bè cồng nha bơsram sră: “Klau pơgru bơto kòn in uă ngan môn, bè toán, tiếng việt, khoa học kỹ thuật…klau pơgru bơto [ươn ngan gi\t”.

Bi ùr Lê Thị Hoa Trinh là mè bơh oh Võ Hoài Bảo dê, nam do oh bơsram ơdu\ 1, đơs: jơh ală tu\ tơngai bơsram ơdu\ bơh sơnrờp pa do, kòn a` geh ală klau pơgru sền gròi dong kờl mờ pơn jờng den tàng kòn a` kờ` ngan lòt bơsram: “Geh 2 nă klau pơgru bơto, đơs bal là kung sền gròi dong kờl ală oh uă ngan…đơs bal là tàm bồt geh dùl e\t ngan kơnòm bơsram den tàng bơta sền gròi dong kờl kung geh uă rlau mờ tàm ù gờl…”.

Ồng Lê Văn Hải kuang jat jơng atbồ Anih duh broă làng bol ntum bồt Sinh Tồn cih dờp dà kơlhề, broă lơh mờ nùs nhơm bơh klau pơgru Nguyễn Ngọc Hạ mờ Lê Anh Đức dê tus mờ broă bơto sră ai ală kơnòm bơsram tàm bồt in bơh cồng nha bơsram sră bơh kơnòm bơsram mờ hìu bơsram dê: “Tàm tơngai lài, tơn jơh nam bơsram pa do, den ală oh đơs bal là ndrờm geh bơsram jak mờ jak ngan mờ kung jat bơta tơl khà sền cồng nha kơnòm bơsram pa jat Kơrnoat bơto pơlam sồ 30 bơh Gah Bơto bơtê mờ bơsram dà lơgar dê den tàm bồt do kung lơh jat sơl…Tàm tơngai tus, broă bơto bơtê kung gam geh ală klau pơgru mờ kơ nòm bơsram tàm hìu bơsram kai I bồt Sinh Tồn sền dờng màng…”.

Ờ mìng bơto sră ală oh in, jơnau mờ klau pơgru Nguyễn Ngọc Hạ mờ Lê Anh Đức kơ\p kờ` ngan là tơnơ\ tu\ ală oh jơh bơsram kai I tàm bồt Sinh Tồn tus tàm ù gờl bơsram kai II, kai III, ală oh sùm kah tus ală ngai nhai ơm kis tàm dà lềng, ơm kis tàm Trường Sa. Mờ mờ kờ` gơboh dà lềng, kờ` gơboh jơh tơl nă cau, ngan ngồn ală oh geh gơ gơs là ală kơnòm dềt mblàng yal jơnau nàng mblàng yal ală bơyô dùl nrơh nrang bal gi\t wa\ uă rlau bè dà lềng, bồt bơlào, bè gơnoar tờm king cru\ ngan bơh Dà lơgar dê...

Cau mblàng Lơ Mu K’ Yến