VOV4.K’ho - Rê tus ntum Ia Dom, ntum tiah nhàr lơgar di kơnhoàl Đức Cơ, càr Gia Lai, nùs nhơm sa tềp neh chờ hờp ngan tàm ală bòn kòn cau Jarai. Mpồl Đảng, gơnoar atbồ ntum gam tơr gùm mut lơh ală broă lơh kờ` dong làng bol tàm ntum geh dùl dơ\ sa tềp ram mhu\, chờ hờp, ngap lơngai, lài ngan là sền gròi sa tềp hìu nhă rơbah, hìu nhă geh sră dong kờl bơh dà lơgar in. Ồng Rơ Lan Dút, kuang jat jơng atbồ anih duh broă làng bol ntum Ia Dom, kơnhoàl Đức Cơ, càr Gia Lai pà git: “ Di dơ\ sa tềp bơhiàn, làng bol kòn cau Jarai tiah do geh ntum pơgồp bal mờ mpồl lơh sa kă bro, ală mpồl lơh broă bơh mpồl lơh sa kă bro 72, mpồl dờp lơh oh mi mờ ală bòn kung bơyai lơh wă rò sơnam pa chờ hờp. bal mờ hơ\, sơlơ lòt sền, gàr niam ngap lơngai ờ do ờ dă, ờ lời bol ờ niam pơn dờm, bơ chồt làng bol dô pồn tus lơgar Campuchia. Nàng geh sa tềp ram mhu\, ală hìu nhă kal ke, jơ gloh, cau kra kis 1 nă să, hìu nhă geh sră dong kờl geh dà lơgar dong kờl 1 bơnah phan sa tềp. Ntum Ia Dom lơh ngan lam sồr priă jền mờ tă bơta dong kờl sùm nàng blơi phan pà làng bol in wă rò sơnam pa chờ hờp, ram mhu\.”

                                                                      Cau cih mờ yal tơngit K’ Duẩn.