VOV4.K’ho - Ntum Dũng Phong, kơnhoàl Cao Phong là ntum sơnrờp ngan càr Hoà Bình dê geh dờp neh gơs 19 tàm 19 khà bơ\t bơtàu [òn lơgar pa. tơnguh bơtàu lơh sa dờng broă lơh sa suơn sre geh sền là bơta pràn bơh broă lơh mờ uă broă lơh sa geh cồng nha uă.

Ntum tiah kơh bơ nơm Dũng Phong, kơnhòal Cao Phong geh ù tiah kơh bơnơm, lơh gơbàn kal ke tàm broă bơt bơtàu phan bơna. Bơta pràn tă pơ gồp priă jền, phan bơna làng bol dê 1 ê\t, khà hìu nhă rơbah uă, bơta dong kờl bơh kes priă ờ huan geh. Kon cau Mường geh rlau 90% khà kờp làng bol. Lơh broă mờ bol a`, kuang đơng lam bồ ntum Dũng Phong pà git, ntum ờ suk ngan mờ broă bơcri priă bơtàu tơnguh lơh sa mpồl bơtiàn mờ ngan là jòi geh broă lơh sa tàm tiah do. Bơt bơtàu [òn lơgar pa là kờ` rài kis làng bol dê bơtàu tơnguh rlau mờ lài. Đơs gơ jat bal mờ lơh, ntum Dũng Phong dờp git kơ nòl kuơ màng là bơtàu tơnguh lơh sa, mờ broă rề ơnàng bă ù tam tàu mờ kroac, pơ gồp bal tam gơl phan ròng, mơkung mut ngui bơta chài lơh broă pa kờ` tơnguh cồng nha lơh geh mờ priă jền lơh geh. Do la bơta tam gơl pràn ngan tus mờ 1 ntum kơh bơ nơm mìng geh broă lơh sa suơn sre, làng bol mìng mờng mờ broă lơh ờs mờng.

Bơh tu\ mut lơh broă lơh bơt bơtàu bòn lơgar pa tus tu\ do, ntum neh geh kơnhòal dong kờl mờr 500 tơlak priă nàng bơtàu tơnguh tiah tam kroac, quêt, tam gơl geh cồng nha tàm bă ù rlau 60 lồ. 2 gah gùng lă mờ cai lam mut tàm ntum là ală blàng tam tàu dơờn ơnàng ngan bơrlu\ bal mờ ală suơn kroac, quêt du\m rơmit, pơr hê, tơt plai uă ngan. Ală ngai mờr sa tềp, pah ngai geh git nđờ jơt dơ\ rơndeh dờng mut tàm ntum nàng blơi plai kruac, plai ưuêt pơndiang rê hờ Hà Nội. tàm blàng sre Nà Bài pơgap 2, 3 nam lài kung gam tam tơ ngời, tam bùm, den tu\ do neh ala mờ ală suơn kruac, quêt. Tàm suơn dờng tam kruac ơnàng 4 sàu bơh hìu nhă bi Trần Văn Hợp, git nđờ jơt nă cau gam pic ală plai kruac sơdàng neh dum. mờ 70 tơlak priă bơcri bơh bồ kàl, kờp du\ lài, tus tu\ tơnhàu, hìu nhă bi Hợp geh pơgap 400 tơlak. Bi Hợp đơs:“ Pơn drờm mờ lơh sa den priă lơh geh bơh tam kruac bè do là neh uă ngan. Anih tơlik tac tu\ do uă ngan là cau bơh tàm ală drà sơn rờp tus ndo nàng blơi mờ tac làm gùt tiah. să tờm a` kung bè làng bol tàm kơnhòal Cao Phong do kung kơp kờ` ngan geh anih tơlik tac niam, tơngai tus, ngan là bă ù tam kroa] digơlan geh rề ơnàng tai uă ngan.”

Ntum Dũng Phong bơt bơtàu kơrnuat, broă lơh pơn jờng jơnau kờ` ngui dong kờl bơtàu tơnguh git nđờ jơt tơlak priă tàm 1 anih suơn dờng tus mờ ală hìu nhă tus bal, mơkung ai geh bơta buơn buài bè sră nggal, rơndap broă bơcri, dong kờl lơh đèng, lơh gùng, rơ bòng dà, anih tơlik dà bơ\. Bơh bơnàng jă neh geh crơng gơs bơh ală nam lài do tài cồng nha lơh sa suơn dờng cèng wơl, ntum Dũng Phong neh tơr gùm bơcri git nđờ jơt tơmàn priă nàng lơh gùng che đèng, lơh gùng, hìu bơsram, hìu sơnơm, ai geh bơta niam chul chồl lơh sa, cribơyai kă bro phan bơna, tơnguh niam rài kis phan bơna mờ nùs nhơm làng bol in. tus tu\ do, gùng lòt tàm ntum Dũng Phong niam ngan tus mờ broă lòt rê kung bè kă bro. Drà ntum mờ tơl ală bơta phan sa, phan ngui. Gùng lòt tus ală ntum neh geh lă mờ cài, tàm hơ\ gùng bơh bòn Nà Bái ntum Dũng Phong lòt tus Khuộn mờ [òn Nam Thanh ntum Nam Phong jòng 3 kơi sồ. Ală gùng lòt tàm bòn neh geh tuh bê tông, 100% hìu nhă geh ngui đèng dà lơgar, gàr tơl niam ờ do ờ dă bè đèng. Hìu sơnơm geh dờp là geh khà tơl dà lơgar. Ồng Nguyễn Quang Vinh là 1 tàm git nđờ rhiăng nă cau tàm ntum Dũng Phong ai is ù, lơh gùng lòt pà git:“ Hìu nhă a` go\ là pal geh bơta pràn tă pơ gồp bơh jơh tơl nă cau dê ringbal, pờ ơnàng gùng, nàng buơn bùai tus mờ broă lòt rê kung bè kă bro phan bơna. Bơh tu\ geh broă lơh bòn lơgar pa, a` go\ ntum bol a` neh niam rlau pơn drờm mờ ală nam lài do. Tơl hìu, tơl nă cau ndrờm pơr lòng bơtàu tơnguh lơh sa. Nđờ nam do, broă lơh sa làng bol tàm ntum dê bơtàu tơnguh uă ngan.”

Jat jơnau yal bơtàu tơnguh lơh sa mpồl bơtiàn ntum Dũng Phong dê nam 2014, priă lơh geh kờp bal là 24 tơlak tàm 1 nă cau tàm 1 nam. Khà hìu nhă rơbah kung gơmù jat pah nam. Ntum neh lam sồr geh 44 tơmàn priă nàng bơt bơtàu bòn lơgar pa. gơtùi geh cồng nha do, mpồl đơng lam Đảng ntum Dũng Phong neh sền gròi uă ngan, chồl pràn broă mblàng yal, ai kuang bàng, cau geh Đảng là ală cau lam lài tàm broă ai ù, tă pơ gồp ù mờ tă pơ gồp priă bơt bơtàu phan bơna. Pah nhai, pah tơngai neh pơr gon, mpồl đơng lam Đảng bơyai lơh tàm jàu broă lơh mờ kuang atbồ đơng lam Đảng, kuang atbồ, kuang jat jơng atbồ gah broă lơh, mpồl bal, ală bòn nàng git ală bơta gơlik geh, ai geh mờng chài pơnjat tai đơng lam, ờ lời gơlik geh bơta gam jơngkah halà kòl yan tàm làng bol. Ồng Bùi Văn Sắng kuang atbồ anih duh broă làng bol ntum Dũng Phong pà git:“ Ờ di bol a` geh dờp là bol a` ờ lơh tai. Bol a` geh pơnjat tai lơh ngan bè lơi, nàng lơh jơh ală broă lơh. Bol a` dờp git bơt bơtàu bòn lơgar pa den dà lơgar kung gam pơnjat tai sền sơ wì pah nam bol a` neh gơtùi lơh ală bơta lơi halà ờ gơtùi lơh bơta lơi nàng dờp wơl. Bol a` pơnjat tai lam sồr làng bol bơt bơtàu, lơh niam bơh tàm hìu nhă tus bòn lơgar, ntum. Lơh ngan bè lơi nàng broă lơh sa mpồl bơtìan ntum dê ngai sơ lơ bơtàu tơnguh rlau, rài kis làng bol dê ngai geh tơnguh loh làng rlau.”

Sơnam pa do, làng bol ntum Dũng Phong chờ hờp klo jơnau yal chờ hờp kroac Cao Phong geh gah Khoa học mờ công nghệ dà lơgar jàu sră cơng tàng sền gàr ù tiah lơh gơlik, tơnhàu kroac geh uă, tac geh yòm. Đơm hìu rơng, mờ dà kò bơkàu mận, bơkàu mơ mờ dà rơmit suơn kroac dum dê den gơ lơh bè bơta chờ hờp làng bol tàm ntum bơt bơtàu bòn lởgả pa geh tơnguh rlau nđờ dơ\. Ală sap ntas cing mồng mpong bal mờ ală jơnau đơs pơnđik ví niam bơne\ kung là tu\ sơnam pa tus tàm bòn Mường, ntum Dũng Phong dê.

                                                           }au mblàng K’ Duẩn.