VOV4.K’ho – Tơnơ\ ală ngai ơm rlô sa Tềp, uă mpồl lơh sa kă bro tàm càr Gia Lai neh sơnđờm lơh sa, kă bro wơl bal mờ jơnau kơ\p kờn dùl nam pa lơh sa geh cồng nha. Tàm ală anih lơh sa sươn dờng ròng uă kơn rồ bơh Mpồl lơh sa kă bro bal ròng phan Gia Lai, gi\t nđờ rhiang nă cau lơh phan kung sơnđờm tus lơh broă wơl. Mpồl lơh sa kă bro do, tu\ do gam ròng pơgăp 12 rbô nơm kơn rồ dà toh, bal mờ 5 rbô nơm kơn rồ neh ai pat dà toh mờ dà toh lơh geh là bơh 100 rbô tus 120 rbô li\t pah ngai, bal mờ hơ\ là pơgăp 60 rbô nơm kơn rồ puăc nàng tăc mờ drà kă bro tàm Tây Nguyên, Hà Nội, [òn dờng Hồ Chí Minh. Lơh broă tàm ngai bồ nam pa, ồng Trịnh Ngọc Phúc, ơm tàm ntum Ayun, kơnhoàl Mang Yang, càr Gia Lai, tu\ do gam là cau lơh phan bơh Mpồl lơh sa kă bro bal ròng phan Gia Lai dê, đơs: “A` lơh broă tàm do neh 7 nhai do. Priă nhai là 6 tơlak mờ geh dong kờl tai dùl ngai 50 rbô đong priă sa tai. Bè đah mpồl lơh sa kă bro den dong kờl cau lơh phan là niam ngan, kờn lơh geh tơl ală bơta ai làng bol in geh broă lơh. A` geh lơh ngan lơh broă tàm do jo\ jòng”.

                                           Cau cih mờ yal tơngi\t- Lơ Mu K’ Yến