- Xã Liên Đầm, kơnhoàl Di Linh, càr Lâm Đồng geh 5 [òn kòn cau mờ rơlau 2.400 hìu làng bol. Tus tu\ do, jơh gùt xã gam 217 hìu làng bol kòn cau là hìu r[ah. Dơ\ sa Tềp Đinh Dậu nam 2017 do, Ủy ban Nhân dân xã Liên Đầm bal mờ ală gah sơnah lơh broă mờ mpồl cau tơrgùm tàm broă lơh sền gròi sa Tềp ai hìu r[ah mờ mờr ndrờm bè hìu r[ah in, mờ nùs nhơm ờ go\ di lời hìu bơnhă làng bol lơi gơtìp jơgloh tàm dơ\ sa tềp. Ồng K’ Thuận, Pho\ chủ tịch Ủy ban Nhân dân xã Liên Đầm, kơnhoàl Di Linh, càr Lâm Đồng, pà gi\t: “Ủy ban Nhân dân xã sền gròi uă ngan rlau jơh là ală hìu r[ah mờ hìu mờr ndrờm bè hìu r[ah ờ gơ ơm tàm hìu bơnhă gơtìp jơgloh r[ah tàm dơ\ sa tềp do. Xã pơn jat tai lơh sră cih mat hìu r[ah mờ bơyai lơh pà phan ai ală hìu r[ah in. Ủy ban mặt trận xã neh bơyai lơh pà phan ai ală hìu r[ah kal ke uă ngan in tàm xã. Bơdìh hơ\ tai, Ủy ban Nhân dân xã Liên Đầm neh hòi jà ală mpồl lơh sa kă bro, ală anih kă bro phan lơh bal tàm broă dong kờl nha ràm glòm nha sèt, dong kờl bal hìu r[ah geh phan wa\ rò sơnam pa sa Tềp chờ hờp”.

- Tàm xã Tam Bồ, kơnhoàl Di Linh, càr Lâm Đồng, gơnoar atbồ xã sền gròi ngan mờ drơng gàr ală làng bol kòn cau in. Xã neh lam sồr ală anih lơh sa kă bro bal mờ gơnoar atbồ tàm do lơh 2 nơm hìu nùs nhơm ai hìu rơ[ah ờ geh hìu ơm in, ai 13 nơm măy pès `hơ\t mờ 10 nơm sơtèk đơ dà ai hìu rơ[ah in kờ` drơng tàm broă lơh sa suơn sre. Broă rơcang wă rò satềp gam geh lơh mhar. Mò Ka Đới, Phó Bí thư Đảng uỷ xã Tam Bồ pà g^t: “Satềp tus, Đảng mờ gơnoar atbồ tàm do tus còp să làng bol, lam sồr làng bol pơs wàs kloh niam hìu đam, gùng dà, yồng bồng bi kờ` chờ gờm nam pa, chờ gờm Đảng, kờ` ai tơl^k nùs nhơm wă rò nam pa bal mờ nùs nhơm tam klăc bal bơh đảng mờ dà lơgar bal mờ làng bol, mờ ai tơl^k tàm nam pa geh ală jơnau kơ\p kờ` pa tàm broă lơh sa, uă rơlao mờ nam lài. Kơ\p kờ` làng bol satềp chờ hờp, tam kăc, pràn kơl dang kờ` lơh sa, tơl hìu ndrờm geh tơnguh bơtàu tàm broă lơh sa nam pa do”.

- Ơm tàm dùl tàm ală kơnhoàl r[ah ngan rlau jơh gùt lơgar dê, xã Quảng Khê, kơnhoàl Dak Glong, càr Dak Nông geh rlau nggùl khà hìu bơnhă làng bol là hìu r[ah. Xã geh 24 jơi bơtiàn kòn cau oh mi ơm kis bal, tàm hơ\ cau kòn cau geh mờr 2/3 khà kờp làng bol. Mờ jơnau đơs ờ lời hìu bơnhă lơi ờ geh phan sa tềp, gơnoar atbồ xã bal mờ ală mpồl cau neh geh uă broă lơh lòt còp, pà phan, dong kờl làng bol. Ồng K’Siêng, Pho\ chủ tịch Ủy ban Nhân dân xã Quảng Khê, pà gi\t: “Gơnoar atbồ xã neh kờp sền jơh ală [òn, gi\t mat ală hìu kal ke, hìu chính sách…nàng geh broă lơh dong kờl ngan ngồn. Gơnoar atbồ bơh càr tus kơnhoàl, xã ndrờm tă priă jền lòt còp, pà phan ai ală hìu bơnhă in. Ală mpồl cau, cau dùl nă să is geh nùs nhơm niam, ală mpồl lơh oh mi bal mờ ală [òn, hơ\ sồng ală mpồl lơh sa kă bro lơh broă tàm tiah do tai…geh uă bơta dong kờl, dong ală hìu bơnhă kal ke geh phan sa tềp, hơ\ sồng bơyai lơh sa tềp wa\ rò sơnam pa tàm ală [òn”.

- Hà Tây là 1 tàm ală xã kal ke ngan kơnhoàl Cư\ Pah, càr Gia Lai dê, mờ rơlao nggùl khà hìu tàm xã do gơwèt hìu rơ[ah mờ 190 hìu rềp mờ rơ[ah, ală hìu ndrờm là kòn cau Bơnhàr dê lơm. Mờ nùs nhơm ba` lời hìu nhă lơi ờ tơl sa di tàm satềp, gơnoar atbồ xã neh bal mờ ală mpồl lơh broă, cau geh nùs nhơm niam neh dong kờl phan sa phan ngui làng bol in. Bi Thoah, Chủ tịch xã Hà Tây đơs: “Jăt gùng dà broă lơh bơh Đảng uỷ bal mờ UBND xã dê là ờ lời geh 1 nă cau lơi tàm satềp gơbàn jơgloh, bol a` neh sền wơl ală hìu rơ[ah, rềp mờ rơ[ah kờ` dong kờl phan sa bè phe, [ung mi, [òk ngòt…”.

- Nam 2016, Gơnoar atbồ mờ làng bol xã Đak Ang, kơnhoàl Ngọc Hồi, càr Kontum neh lơh niam ală broă lơh bơtàu tơnguh lơh sa, lơh gơs ală broă sồr lơh. Kuơmàng, gơnoar atbồ neh lam sồr làng bol ală kòn cau tàm xã lơh jat niam dơ\ lam sồr “Jơh gùt làng bol tam klac bal bơ\t bơtàu rài kis ngac ngar jak chài tàm tiah ơm kis”. Jơh gùt xã tu\ do geh 3 [òn geh dờp là [òn ngac ngar jak chài kơnă kơnhoàl, 3 [òn geh dờp là [òn gơguh jak. Lài mờ dơ\ sa tềp bơhiàn Đinh Dậu nam 2017, broă lơh sền gròi sa tềp ai làng bol tàm xã in neh geh ală kơnă, ală gah lơh uă ngan mờ geh cồng nha. Ồng A Pháo, Chủ tịch Ủy ban Nhân dân xã Đak Ang, pà gi\t: “Pah nam, Ủy ban Nhân dân xã neh rơcang bè broă rơndăp lơh lài mờ dơ\ sa Tềp bơhiàn nàng làng bol chờ hờp wa\ rò sơnam pa. Ală gah sơnah lơh broă mờ mpồl cau kờp sền, lơh sră cih mat ală hìu bơnhă chính sách, hìu bơnhă geh màng mờ dà lơgar, ală hìu kal ke uă ngan. Gơ wèt mờ hìu r[ah den tơl nă cau geh pà 15 ki\ phe, pà priă ai tơl nă cau in bơh 100 tus 200 rbô đong. Broă lơh bơh xã dê là jơh ală hìu tàm xã ndrờm geh wa\ rò sơnam pa sa Tềp wil tơl chờ hờp, lơngăp lơngai. Lơh bè lơi kờn ờ lời hìu bơnhă lơi gơtìp jơgloh tàm 3 ngai sa tềp”.

 - Nam 2016, kơnờm mờ broă càn tai 20 tơlăk priă, bi Rơcam Quý deh nam 1993, kis tàm [òn Ngai Yo, xã Ia Ka, kơnhoàl Ia Grai, càr Gia Lai neh bơcri tai priă kờ` tơnguh bơtàu lơh sa, ròng phan, pơgồp bal tàm broă tơnguh rài kis hìu nhă. Mờ 1 lồ 7 sào kơphe, 100 `jrong tiêu, 2 sào tơnao dà ròng ka mờ 30 nơm sur neh cèng wơl hìu nhă bi in rơlao 100 tơlăk priă cồng. Ală broă lơh sa geh cồng nha, rài kis geh ring niam, den tàng bi RơCam Quý neh blơi tơl ală phan ngui tàm hìu nhă kờ` wă rò satềp nam pa: “Kơnờm mờ broă geh càn priă, lơh sa hìu nhă neh tơnguh bơtàu rơlao mờ lài, nam do rơcang wă rò satềp bal mờ làng bol tàm [òn bal mờ gùt lơgar he geh nền nòn. A` kơlôi mu\t nam 2017, rài kis hìu nhă geh tơnguh bơtàu rơlao. Di tàm nam pa, a` kơ\p kờ` ală cau, ală hìu lơh sa geh tơnguh bơtàu, ală bơta ndrờm geh niam bơne\ rơlao”.

- Tơnơ\ tu\ jơh tơnhàu phan tam, hìu bơnhă mò H’Dat kis tàm xã Ea Ning, kơnhoàl Cư Kui`, càr Dak Lak ờ ru ngan mờ broă rơcang ală drăp tơrnờm [ô bơkah ngan, klơm mbar, blời àu mpha pa, banh mư\t, kèu…nàng hìu bơnhă tơrgùm mat bal sa chờ hờp tàm ngai bồ nam pa. Jat mò H’Dat yal, ngai sa tềp là tu\ nàng jơh tơl nă cau ơm kis rềp mềl bal rơlao: “Wa\ rò sơnam pa sa tềp là tu\ là jơh tơl nă cau kah tus mò pàng, kah ală cau neh chơ\t, tơngo\ nùs nhơm sền dờng màng gơ wèt tus mờ mò pàng, ală cau neh pà ai he in rài kis. Nam pa, bol he jà mò pàng rê chờ hờp bal mờ oh kòn, kòn sau mờ dan mờ mò pàng ai lơngai să jan pràn kơldang, tus nam pa geh uă cồng nha pa. Broă lơh do geh bơta kuơ dờng màng ngan, kơ\p kờn huềng sùan mò pàng dê sùm ai lơngai mờ jơm glòm oh kòn kòn sau tàm nam pa”.

                                                              Cau cih mờ yal tơng^t Ndong Brawl - Lơmu K' Yến