VOV4.K’ho- Drim òr 5/9, bal mờ gùt lơgar, jơh ală hìu bơsram tàm tiah Tây Nguyên kung dùl ròt bơyai lơh sơnđờm mu\t nam bơsram pa.

Nam bơsram 2016- 2017, jơh gùt càr Gialai geh mờr 380 rbô nă kơnòm bơsram, gơguh pơgăp 5 rbô nă kơnòm bơsram pơndrờm mờ nam bơsram lài. Tàm hơ\, kai bơsram dùl là gal ngan rlau jơh bal mờ pơgăp 64 rbô nă kơnòm bơsram. Nàng rơcang ai nam bơsram pa in, lơh geh jơnau kờn kơnòm bơsram gơguh uă tai, càr Gialai neh bơcri priă jền lơh tai 5 hìu bơsram tàm nam bơsram pa.

   Gialai: kơnòm bơsram kòn cau duh hồl tàm ngai sơnđờm mu\t nam bơsram pa

Dơ\ bơyai lơh mu\t bơsram nam bơsram pa 2016 - 2017 geh ală hìu bơsram tàm càr Kon Tum bơyai lơh dơ\ le\ bal. Mơya broă trồ mìu neh lơh nùs nhơm ngai mu\t bơsram nam bơsram pa ờ chờ di mờ jơnau neh ai. Nam bơsram pa, càr Kon Tum geh 413 hìu bơsram, tơnguh 8 hìu bơsram jăt mờ nam bơsram lài; khà kơnòm bơsram tàm ală kai bơsram là rơlao 148 rơbô nă, tơnguh rơlao 5 rơbô nă jăt mờ lồi nam bơsram lài. Bè phan bơna, gùt càr neh bơcri mờr 140 tơmàn priă, lơh mờ ai ngui 216 jơdu\ bơsram mờ anih lơh broă geh gơnoar di tu\ bơtơl di mờ broă kờ` bơto mờ bơsram.

Nam bơsram do, jơh gùt càr Daklak geh rlau 1 rbô hìu bơsram bơh kai bơsram ơdu\ bơh sơn rờp tus dì kai bơsram III, mờ kờp jơh là 433.549 nă kơnòm bơsram, gơguh 11 hìu bơsram mờ 1.257 nă kơnòm bơsram pơndrờm bal mờ nam bơsram lài. Nàng kờn lơh geh tơl ală bơta phan bơna ngui tàm broă bơto mờ bơsram, gah bơto bơtê mờ bơsram càr Daklak neh tơrgùm ală priă jền geh 112 tơmàn priă nàng lơh niam wơl mờ lơh pa cơldu\ bơsram, cơldu\ bộ môn, cơldu\ măy mok phan ngui bơsram, hìu sền sră mờ ală cơldu\ lơh gơnoar broă. Bơdìh hơ\ tai, ală hìu bơsram gam bơcri priă mờr 26 tơmàn 500 tơlak blơi phan ngui, phan nhơl ơdu\ bơh sơnrờp ai kơnòm bơsram 5 sơnam in; phan ngui bơto dà đơs lơgar ndai uă bơta, bơto tàp pràn să jan, bơto bơtê sền gàr dà lơgar nàng ai ngui tàm nam bơsram do.

 Kơnòm bơsram kai I, kai II, mờ kai III Hoàng Việt, càr Daklak tus bal dơ\ bơyai lơh sơnđờm mu\t nam bơsram pa

Rơlao 160 rơbô 600 nă kơnòm bơsram tàm ală kai bơsram tàm càr Dak Nông neh tus hìu bơsram, mùl màl mu\t bơsram nam bơsram pa 2016 - 2017. Nam bơsram pa do, càr Dak Nông neh bơcri rơlao 144 tơmàn priă kờ` bơ\t bơtàu phan bơna, tàm hơ\ lơh pa 165 jơdu\ bơsram kơl jăp mờ khà priă lơh gơs rơlao 74 tơmàn priă, tơnguh khà jơdu\ bơsram geh lơh kơl jăp tàm gùt càr rơlao 2 rơbô 677 nơm.

Tàm Lâm Đồng, rlau 300 rbô nă kơnòm bơsram kung duh hồl tàm ngai sơnđờm mu\t nam bơsram pa 2016- 2017. Nam bơsram do, jơh gùt càr geh 714 hìu bơsram. Pơndrờm mờ nam bơsram lài, gơguh tai 2 hìu bơsram. Di tàm dơ\ do, Samcombank Lâm Đồng neh pà 80 bơnah priă dong kờl bơsram ai ală kơnòm bơsram geh rài kis kal ke tàm jơh gùt càr Lâm Đồng in. Tơl bơnah priă dong kờl bơsram kờp mờ priă là 1 tơlak, dong ală kơnòm bơsram sơr lèt gan kal ke tàm [òn dờng Dà Làc, mờ ală kơnhoàl: Lạc Dương, Đức Trọng, Di Linh mờ Lâm Hà in.

Jàu priă dong kờl bơsram tàm Hìu bơsram kai III Bùi Thị Xuân, [òn dờng Dà Làc, càr Lâm Đồng

Cau cih mờ yal tơngi\t- Lơ Mu K’ Yến mờ Ndong Brawl