VOV4.K’ho – Ơ làng bol mờ gơ\p bơyô! Chờ hờp bal mờ nùs nhơm wa\ rò tơngkah Ngai Kơnràn lik lìng bơh làng bol jat yàng tàm gùt lơgar dê, mang òr 24/12, làng bol càr lơgar Hà Nội duh hồl ngan lòt tus ală hìu yàng bàp, hìu jum, anih nhơl chờ hờp lơh rài bồ tơngoh nàng wa\ rò ngai Noel. Mang tơngkah Ngai Kơnràn lik lìng, gùng drà Hà Nội geh bơkah niam ngan gơklo\ gơcrà, tiah lơi kung gơklo\ gơ crà lơm đèng mờ bơkàu bal mờ ală tờm nho Noel, ồng Noel, rơndeh ơlàng pơndiang phan bơka uă ngan rùp să…Ală hìu yàng, hìu jum bơh Hà Nội dê, bè: Hìu yàng Lớn, Hàm Long, Thái Hà, Phùng Khoang…tiah lơi kung gal ngan làng bol mờ năc lòt nhơl.

Tàm {òn dờng Hồ Chí Minh, trồ tiah mrềt dùl e\t lơh mpồl cau lòt tus tàm ală tiah tờm, tiah jat yàng gơguh uă ngan, ngan là tàm trồ mang. Tàm ală hìu yàng bàp, hìu jum dờng, ờ mìng làng bol jat yàng lơm gời mờ gam geh bal uă ngan cau ờ jat yàng kung lòt tus nàng nhơl chờ tàm ngai Noel, cùp rùp lời kirsơnrai. Nam do, mờ uă bơta tam gơl pa tàm tơngume kung bè broă bơka, [òn dờng gơ gơs gơklo\ gơ crà niam bơne\ ngan, ram mhu\ rlau tàm dơ\ tơngkah Ngai Kơnràn lik lìng. Tàm tiah tờm tàm [òn dờng Hồ Chí Minh dê, bè: Hìu yàng Đức Bà, Bưu điện [òn dờng, gùng drà lòt jờng Nguyễn Huệ halà tàm ală tiah tờm kă bro blơi phan dờng…bơh 6 tus 7 jiơ mang, làng bol neh lòt tus uă ngan nàng chờ hờp bal tàm nùs nhơm duh hồl chờ hờp ngan bơh ngai Noel dê.

Tàm [òn dờng Pleiku, càr Gia Lai, den ờ hềt tus 7 jiơ mang, tàm ală gùng lòt tus ală hìu yàng dờng bè Đức An, Thăng Thiên, Thánh Tâm….tơl mpồl cau gal ngan, duh hồl ngan soh phan Noel bềng rùp să, ndrờm lòt tus bal nàng pơrjum răc dan yàng, mờ nting săp bal mờ gơ\p in ală jơnau chờ gờm Ngai Kơnràn lik lìng lơngăp lơngai chờ hờp. Sơlơ tus mờr gùl mang, ală cau lòt tus ală hìu yàng dờng sơlơ tu\ sơlơ uă ngan rlau, cau dờng, cau kra cau lơi kung ndrờm chờ hờp lơm, `o\ nhơl chờ hờp sang jơh ală bơta kơlôi sơnơng muăt jrùm bòl glar kal ke bơh rài kis dê nàng bal mờ gơ\p wèt tus dùl jơnau chờ hờp pa hơ pơrgon gi\t nđờ bơta niam bơne\ tàm rài tơnơ\ do. Bàp yàng Đinh Quang Vinh atbồ mpồl cau jat yàng bàp [òn dờng Pleiku, pà gi\t: Dơ\ tơngkah Ngai Kơnràn lik lìng nam do cèng jơnau đơs pơn jờng jơh tơl nă cau kis niam rlau, gi\t tam pà bal bơta kal ke, bal mờ jơnau kơ\p kờn ală bơta niam bơne\ ngan rlau jơh geh tus mờ jơh tơl nă cau, jơh tơl hìu bơnhă.

Cau cih mờ yal tơngi\t- Lơ Mu K’ Yến