VOV4.K’ho – Tàm pơrjum sền wơl broă lơh 6 nhai bồ nam pa geh bơyai lơh tàm Hà Nội, Ủy ban sền sơwì dà lơgar pà git, bơh bồ nam tus tu\ do, Ủy ban do neh lơh glài mờ tơlik jơnau sồr tus mờ Ban Bí thư, Bộ Chính trị, Ban Chấp hành dà lơgar lơh glài uă mpồl duh broă Đảng mờ cau geh Đảng lơh tìs. Khà ală dơ\ sền sơwì gơguh uă pơn drờm mờ 6 nhai bồ nam lài, ngan là lòt sền tu\ geh tơnggo\ lơh tìs. Cấp uỷ ală kơnă mờ chi bộ kung neh lơh glài 87 mpồl duh broă Đảng mờ rlau 6 rbô nă cau geh đảng. Broă bơsong, lơh glài dùl ròt kuang bàng, cau geh đảng bơh dà lơgar tus kơnă hơ đơm ai go\, ờ geh tiah gơtìp kơryan tàm broă sền sơ wì, lơh glài Đảng. Mờ broă yal loh làng ală jơnau đơs pơndut sền sơ wì là broă lơh kuơ màng ngan bè Nghị quyết dà lơgar 4 neh ai tơlik, geh kuang bàng, cau geh Đảng mờ làng bol kờ` ngan:

Tàm khà rlau 6 rbô nă cau geh Đảng gơtìp sền sơwì lơh glài, geh bal mờ ală kuang bàng di Bộ Chính trị, Ban Bí thư atbồ, tài bơh geh uă bơta ờ niam, broă lơh tìs tàm bơta đơng lam bồ, atbồ priă jền, bơcri priă dà lơgar, lơh tìs tàm broă lơh kuang bàng, lơh tìs kơrnuat tơr gùm làng bol lơh tờm… Hơ\ là ală broă lơh tìs gơlik geh tàm tơngai jo\ jòng, uă tơngai lơh broă, geh ală broă lơh tìs gơlik geh kơn jơ\ ngan, lơh gơbàn jơnau gơ lời wơl dờng ngan bè lơh sa mpồl bơtiàn mờ tiah ơm kis. Broă sồr lơh glài ală cau geh Đảng, mpồl duh broă Đảng lơh tìs geh làng bol ringbal mờ kờ` ngan. Bơta do ai go\, Ủy ban sền sơ wì dà lơgar neh lơh glài di cau, di broă lơh tìs, di mờ adat boh lam, gàr niam bơta loh làng song dơpă, bơta di tu\ mờ dipal. Jat Phó Giáo sư, Tiến sĩ Bùi Đình Phong, Học viện Chính trị dà lơgar Hồ Chí Minh: Ală broă lơh mùl màl pa do ai go\, lơh glài tàm Đảng geh ai tơnggo\ loh làng mờ dong dơpă, krà` cê: “He bơt bơtàu ală broă lơh niam, mơya kung pal sang sơbì jơh ală bơta, dilah git go\ ală cau geh gơ rềng tus ală bơta ờ niam hơ\ den pal sang sơbì mơ. Jat a` là bè hơ\, tàm khat dùl tu\ lơi digơlan tu\ tơmut tàm dà lơgar den ờ hềt git go\, mơya tu\ neh mut mờ git go\ den ngan là pal tơlik mơ. Gơtùi lơh bơta hơ\ jat a` den gơtùi ai geh bơta pin dờn bơh làng bol dê.”

Krà` cê lơh glài kuang bàng cau geh Đảng lơh tìs neh đơs tờm dùl bơta geh ngan, ờ geh “tiah gơtìp kơryan” tàm broă sền sơwì, lơh glài Đảng, kờp bal mờ kuang bàng neh jơh sơnam lơh broă halà gam at gơnoar broă. Bal mờ hơ\, pa do, ală jơnau đơs pơndut kung bè quyết định lơh glài cau geh Đảng lơh tìs ndrờm geh yal tơnggit tàm sră [au\ dong làng bol in go\ mờ git bơta krà` cê bơh Đảng he dê tus mờ ală broă lơh tìs bơh kuang bàng, cau geh Đảng, ờ ngòt, ờ pleh halà pồn broă lơh tìs in. Ồng Nguyễn Viết Chức, Ủy viên Đoàn Chủ tịch Ủy ban Mặt trận dà lơgar Việt Nam đơs là: “Đảng là ala mat gùt làng bol dê, bè hơ\ mờ ờ yal loh làng song dơpă ai gùt làng bol in, mờ mìng lơh glài is tàm mpồl den gơtùi làh ờ? Jat a` den do là bơta tam gơl, di ngan. Sơlơ yal loh làng den sơlơ niam. Tài Đảng he ờ geh bơta kuơ lơi ndai bơdìh mờ bơta kuơ bơh làng bol dê, bè hơ\ den geh `chi mờ pal pồn làng bol. Geh yal loh làng den hơ\ sồng gơtùi tam gơl, geh yal loh làng den hơ\ sồng là jơnau bơsram mờng chài, ai dilah pồn sùm den là tìs tàm ngòt mat mờ gơp, lơh gơbàn bơta kuang bàng he dê geh bơta ờ niam ngai sơlơ kơn jơ\ rlau.”

Jat jơnau yal bơh Ủy ban sền sơ wì dà lơgar, 6 nhai do, khà ală dơ\ sền sơ wì gơguh uă rlau pơn drờm mờ 6 nhai bồ nam lài, ngan là sền sơwì tu\ geh tơnggo\ lơh tìs. Mùl màl, Ủy ban sền sơwì ală kơnă neh sền sơwì 855 mpồl duh broă Đảng mờ rlau 3 rbô 500 nă cau geh Đảng. Ban Bí thư neh lơh glài 2 mpồl duh broă Đảng mờ 6 nă cau geh Đảng di dà lơgar atbồ; Ban Chấp hành dà lơgar lơh glài 1 nă kuang bàng dờng màng bơh Đảng dê. Mờng chài ai geh bơh ală dơ\ sền sơwì là ngui jơh ală gah yal jơnau tơnggit bè sră [au\, pơn rơ tàm mpồl bơtiàn, bơh jơnau đơs làng bol dê, broă git ală bơta gơlik geh tàm ală tiah. Tơnơ\ mờ tu\ geh jơnau yal tơnggit den anih lơh broă sền sơwì Đảng di tu\, rơcang lài, krà` cê, tơl làm mơya pal git kơrhia, loh làng tàm broă git go\ ală broă lơh tìs mờ krà` cê sền sơwì, lơh glài, ờ pleh, ờ ngòt tam dră wơl. Broă đal git cau sền sơwì pal di. Tơngume sền sơwì pal di, tơngai sền sơ wì kung pal di. Ủy viên Bộ Chính trị, Bí thư Đảng dà lơgar, kuang atbồ Ủy ban sền sơ wì dà lơgar ồng Trần Quốc Vượng đơs là: jơnau đơs pơndut bơh Ủy ban sền sơwì dê pal lơh cau lơh tìs git bơta tìs; mơkung yal di tu\ nàng làng bol in git. Ồng Trần Quốc Vượng đơs tờm: “Pa do ngan rlau jơh Nghị quyết dà lơgar 4, kơnă 12 geh dùl bơta cih loh là pal yal loh làng ală jơnau pơndut bơh Ủy ban sền sơ wì dê. Lơh bè do geh kuơ Đảng in, làng bol go\ Đảng krà` cê bè hơ\ den ngan là làng bol pin dờn. Ai ală cau ndai kung sền tàm hơ\ nàng geh bơta đơs lài. Bơta yal loh làng là kuơ màng ngan, cèng bơta gơ rề uă. Den bè hơ\, bol he sền sơ wì 1 broă mơya geh gơ rềng tus uă broă, den bè hơ\ hơ\ sồng gơtùi rơcang sơndră, ai bol he den mbè gơtùi lơh jơh tơl broă. Lơh 1 broă mơya pal cèng bơta gơ rề uă.”

Broă sền sơwì lơh glài 1 ròt broă lơh tìs bơh ờ uă kuang đơng lam bồ dà lơgar mờ [òn lơgar dê tàm tơngai pa do ai go\, broă lơh bơt bơtàu, bơsong Đảng jat Nghị quyết dà lơgar 4 kơnă 12 ngan ngồn pràn kơldang. Do kung là jơnau đơs lài tus mờ khat 1 nă cau lơi, khat 1 gơnoar broă lơi, dilah lơh tìs mờ jơnau cih bơh Đảng, adat boh lam bơh dà lơgar dê, lơh sơ lơu\ wơl mờ bơta kuơ bơh dà lơgar dê, bơh làng bol dê den ndrờm gơtìp lơh glài krà` lơm.

                                                Cau cih mờ yal tơnggit K’Duẩn