VOV4.K’ho- Gam geh ală bơta ờ loh làng tàm jơnau yal khà kờp brê mờ roh brê tàm ală càr tàm tiah Tây Nguyên gơlam tus broă rơndap yal, rơndap ù tiah kung bè broă ai ală gùng dà broă atbồ mờ sền gàr brê ờ di mờ bơta geh ngan mờ ờ geh cồng nha. Tàm pơr jum “ Sơlơ tơnguh broă atbồ mờ sền gàr brê, tă bơsong bơta kal ke, chul chồl bơtàu tơnguh lơh sa brê bơnơm ală càr Tây Nguyên” bơyai lơh poh lài tàm Dak Lak, Bộ trưởng Nông nghiệp mờ Phát triển Nông thôn ồng Nguyễn Xuân Cường bal mờ uă kuang bàng tus bal pơr jum neh đơs jơnau do mờ sồr pal kờp jơh nàng geh khà di pal nàn drơng broă lơh khà kờp bè brê bơnơm tàm tiah Tây Nguyên dê tàm tơngai tus.

Jat cồng nha kờp sền bơta gơlik geh brê nam 2020 bơh Bộ Nông nghiệp mờ Phát triển Nông thôn, kờp jơh bă tiah geh brê tàm ală càr Tây Nguyên là pơgap 2 tơlak 600 lồ, geh tus 17,5% bă brê gùt lơgar, khà gơ tìp chi brê geh mờr 46%.

Bơta ờ loh làng bè khà kờp brê mờ roh brê geh tơngo\ lài ngan tàm jơnau yal bơh Bộ Nông nghiệp mờ Phát triển Nông thôn tu\ yal nam 2019 bă brê geh is tàm tiah do dê gơmù rlau 15 rơbô 700 lồ. Mơya khà kờp  roh brê bơh 2 càr Dak Lak là 11 rơbô 400 lồ mờ Dak Nông là mờr 7 rơbô 200 lồ neh sơr lèt uă ngan mờ khà kờp tơr gùm bal tàm tiah do dê.

Ồng Trương Thanh Tùng, Phó chủ tịch UBND càr Dak Nông mblàng yal khà roh brê là tài bơh broă tơr gùm kờp ờ tơl làm, ờ nền nòn mờ bơta geh ngan tàm uă nam, gơlam tus tu\ tơr gùm kờp den gơtìp rơndap rơndồl.

Dak Nông roh pơgap 7 rơbô lồ mơya ờ hềt tơrgùm kờp ală nam lài do ờ di là tàm 1 nam mờ mus kơl tus khà ngòt rơ ngơ\t bè hơ\ ờ.

Bộ trưởng Nguyễn Xuân Cường đơs tàm dơ\ pơrjum

Bal mờ jơnau tơr gùm kờp ờ hềt tơl làm bơh uă nam, mơya ờ gơ tùi wă tu\ ồng Y Giang Gry Nie Knơng, Phó Chủ tịch UBND càr Dak Lak den pơlam đơs dùl jơnau là tài bơh càl rơbu\t dờng lơh càr roh rlau 7 rơbô lồ brê geh is.

Jơnau gơbàn dơ\ 3 là tài bơh mìu càl rơbu\t dờng sồ 12 nam 2017, jat jơnau sền g^t den bă brê gơ mù uă ngan. Ngan là tàm ală kơnhòal M’Drăk, Ea Kar, Krông Bông là hoàc huơr rlau 7 rơbô lồ, geh pơgap 68% kờp jơh bă brê geh is gơmù tàm ù tiah càr Dak Lak dê.

Tus bal pơrjum, ồng Phạm Mạnh Cường, Vụ trưởng Văn phòng Chính phủ yal ală jơnau tơngkah tu\ gơ tìm chi brê tàm brê Tây Nguyên gơmù bơh 51,9% nam 2010 gơmù mìng gam 45,9% nam 2020, gơmù pơgap 6% pơn ndrờm mờ pơgap 462 rơbô lồ brê tàm tiah neh roh,  pơlam jơnau pơn du\t sồ 12 nam 2011 bơh Bộ Chính trị dê mờ jơnau kờ` gơ tìm chi brê tàm Tây Nguyên dê pal lơh geh 59% nam 2020, ndrờm mờ bơta geh ngan ồng Cường sơnđio loh làng là broă lơh do Tây Nguyên gam ơ uă rlau mờ jơnau sồr tus 13%. Mơya, do mìng là ală khà jơnau yal tàm sră pơ àr lơm mơya tàm bơta geh ngan den bă brê neh roh digơlan uă rlau.

Do là khà mờ bol a` yal tàm sră pơ àr lơm. Mơya, bă brê neh gơtìp tam gơl tus jơnau ndai, ngan là lơh sa suơn sre den uă ngan. Mờ kung bè broă lơh bơt bơtàu, rơndap broă lơh neh tam gơl brê geh is, neh koh kơl brê geh is mơya ờ hềt lơh sră pơ àr. Do là ờ hềt đơs tus bơta niam brê geh is dê ngai sơlơ gơmù.

Đơs pơn du\t tàm dơ\ pơrjum, Bộ trưởng Bộ Nông nghiệp mờ Phát triển Nông thôn ồng Nguyễn Xuân Cường đơs nền, brê mờ bơta niam chài mờ ală bơta tờm kuơ màng bơh Tây Nguyên dê, geh bơta gơ rềng kuơ màng ngan tus mờ jơh bal tiah jat kềng gah dà đah Jum tam gùl lơgar mờ tiah Ring Dà dờng Cửu Long. Ală bơta gơlik trồ tiah ờ niam bè dà ko\ dà kò, trồ prang dờng soat dà tàm tiah Tây Nguyên kung bè ală tiah rềp bal geh jơnau gơ bàn bơh broă roh brê. Bộ trưởng kung tơngkah là ală bơta gơlik geh do geh ngai sơlơ ờ niam rlau tai, gơ rềng uă ngan tus rài kis, lơh sa tàm ală tiah dê dilah pơn jat lơh roh brê

BrêTây Nguyên gơ tìp aniai

Bộ trưởng Nguyễn Xuân Cường kung dờp, ală khà kờp tơr gùm bal bă brê mờ roh brê tàm ală nam do geh uă bơta ờ niam mờ ờ di pal bơh kấp hơ đơm tus dà lơgar. Bơta do neh lơh broă rơndap ù tiah, rcang yal mờ ai gùng dà broă lơh, broă lơh kuơ màng atbồ mờ sền gàr brê gơbàn ờ geh cồng nha.

Tơl dơ\ yal den krơi is, ngan là sơn đờm bơh bơta geh ngan gơ ờ di bè hơ\. Tơr gùm kàr do bă brê den hơ\ sồng đơs là 3 bơta brê bè do, den hơ\ sồng jơh tơngai do tam gơl tus tơngai ndai, tàm kơnă hơ đơm jun tus dà lơgar gơs là dùl bơta khà kờp ờ di pal. Mờ gơlik geh bơh bă brê bơh rơndap 3 bơta brê ờ di pal, ờ lơh bơnàng jă nàng drơng broă atbồ niam ờ.

 Bơh hơ\, Bộ trưởng ồng Nguyễn Xuân Cường sồr ală càr Tây Nguyên pal tơr gùm nền cê ai broă atbồ mờ sền gàr brê mờ lài ngan là kờp jơh nàng geh ală khà tơr gùm kờp di pal. Bộ trưởng kung sồr ală càr pal lơh loh kơnòl broă bơh kấp ủy, gơ noar atbồ ală kấp tu\ lơh roh brê. Mìng gam 5 nhai tai là tơn jơh Broă lơh jat jơnau kờ` bơtàu tơnguh brê bơnơm kơ\ kơl jap tơngai bơh nam 2016 tus nam 2020, ală càr pal kờp sền wơl nàng lơh gơs 14 broă lơh jat Quyết định sồ 886 bơh Thủ tướng Chính phủ dê. Bơh hơ\, bơt bơtàu broă rơndap lơh ai tơngai pa bơh nam 2020 tus nam 2030 in mờ jơnau bơtàu tơnguh mờ geh cồng nha.

Cau mblàng K’ Hạnh