VOV4.K’ho - Lồi nhai 2 pa do, bal mờ gùt ling klàng, Lũ đoàn rơndeh sơtang Thiết giáp 273, Quân đoàn 3 neh rơ wah mờ dờp 210 nă cau lòt ling pa mut lơh kơnòl ling kàng. Bơdìh mờ broă gàr niam tơl bơta tus mờ broă bơto bơtê, pơlam tàp pa, Lữ đoàn 273 neh sền gròi tus bơta bơtàu tơnguh bơngă lam lài bơh mpồl ơruh pơnu Cộng sản Hồ Chí Minh dê tàm broă bơyai lơh ală srơh, ală broă lơh nhơl `o\ dong cau pa lòt ling tơmù dimơ nùs nhơm kah hìu mờ ngai sơlơ rềp mềr mờ ală mpồl ling:

Mut ling tàm Lữ đoàn 273 pa tòm 1 nhai, mơya cau ling Nguyễn Duy Khoa ơm tàm Tiểu đội 6, Trung đội 5, Đại đội 2, Tiểu đoàn 1 neh mhar ngan gơ rờm bal mờ broă pơlam tàp krà` ngan bơh tơngai pa lòt ling dê. Khoa pà git, oh là cau [òn dờng Quy Nhơn, càr Bình Định, tơngai pa lòt ling tàm càr Gialai, oh kah hìu ngan. Mơya, kơnờm broă tus bal ală broă lơh mpồl ơruh pơnu bơyai lơh, oh ngai sơlơ rềp mềl mờ ală cau lòt ling bal tàm mpồl ling. Tơnơ\ ală tu\ jiơ pơlam tàp bòl glar, Khoa tus bal ală dơ\ pơrjum cau ling tàm ală mang ngai dơ\ 7, pơr lòng đơs karaoke, ală broă lơh bơsram, đơs ală jơnau đơs crih tàm ling klàng… Ală broă lơh do lơh oh go\ rài kis tàm ling klàng là dùl tiah kis rềp mềl ngan; nùs nhơm cau lòt ling bal bơh ală cau pa lòt ling ngài [òn tờm ngai sơlơ gơboh gơbài rlau. Cau ling pa Nguyễn Duy Khoa đơs: “ Srơh bơh mpồl ơruh pơnu dê bơyai lơh pơ gồp bơnah lơh ală cau ling pa ờ huan bòl glar tơnơ\ dùl ngai lơh broă, dong nùs nhơm chờ hờp rlau, hui\ bơta kah hìu mờ ală bơta tàm bơdìh mpồl bơtiàn tu\ pa mut tàm do.”

Là 1 nă cau pa lòt ling geh pơn rơ  ngan tàm broă lơh mpồl ơruh pơnu dê tàm mpồl ling, cau ling Nguyễn Đức Lâm, Tiểu đội 4, Trung đội 5, Đại đội 2, Tiểu đoàn 1 pà git, lài mờ tu\ mut lòt ling, oh neh geh tu\ tus bal bơsram mờ lơh broă mpồl ơruh pơnu tàm 2 hìu bơsram dờng. Lâm Đơs là, broă lơh ơruh pưnu tàm ling klàng bulah ờ huan dờng pơn drờm mờ ală hìu bơsram dờng, mơya broă lơh do tàm do ngan ngồn ngan. Bơdìh mờ tu\ jiơ pơlam tàp hờ bơdìh, Lâm mờ ală cau lòt ling bal he dê gơtùi tus bal uă broă lơh ndai bè nhơl cờ tướng, bơsram khiêu vũ, tus bal ală dơ\ pơr lòng đơs crih tamya… Ală broă lơh do ờ mìng dong lơh jơh glar bòl tơnơ\ tu\ jiơ pơlam tàp, mờ gam là anih nàng ală cau pa lòt ling lơh quèng mờ rài kis, kơrnuat ling klàng. Cau ling Nguyễn Đức Lâm đơs: “ Gơ wèt mờ cau pa lòt ling, tu\ mut tàm do, tơngai ru tus bal tàm broă lơh ơruh pơnu den kơnă hơđang dong he tus bal jơh nùs ngan, dùl bă pràn rlau ală broă lơh đơs crih tamya, lơh broă niam dong kờl cau halà dong kờl bal mờ gơp nàng he lơh ngan lơh jơh niam kơnòl.”

Thượng uý Đàm Đức Nhã, kuang jat jơng lơh broă gùng dră bal Đại đội, kuang atbồ mpồl ơruh pơnu Tiểu đoàn Thiết giáp 1 pà git, tàm nhai 3 pa do, kờ` lơh gơs anih nhơl geh kuơ ai ală cau ling pa in, mpồl ơruh pơnu Lữ đoàn neh bơyai lơh dùl ròt ală broă lơh chài rơgơi, đơs crih tamya.. là anih nàng cau ling pa gơtùi tìp mat, bơtàu tơnguh nùs nhơm tam klac cau ling bal. Bơdìh mờ hơ\, Lữ đoàn gam bơyai lơh tai uă dơ\ pơr lòng, cribơyai kờ` tơnguh git wă gùng dră bal, nùs nhơm kơ\ dơ\n ai mpồl cau ling pa in. Tàm hơ\, pal sền gròi là ală srơh bè ơruh pơnu Lữ đoàn brồ guh tus kơnă jơnhua, srơh ơruh pơnu Lữ đoàn lơh broă tàm gah khoa học công nghệ kờ` brồ guh bơta chài bơceh pa bơh ơruh pơnu dê. Bal mờ hơ\, Lũ đoàn gam bơyai lơh bơh bơr mờ tơngume “ Gơ wèt mờ Đảng tơl làm nùs nhơm pin dờn kờ` gơboh”. Thượng uý Đàm Đức Nhã đơs: “ 100% kuang bàng, ơruh pơnu tam klac bal, kờ` gơboh cau lòt ling bal mờ lơh jat niam ală jơnau cih bơh kơrnuat boh lam, rài kis pah ngai, lơh ngan bơt bơtàu nùs nhơm, rài kis song dơpă, pơlam tàp jat kơrnuat pal jat. Kuang bàng ơruh pơnu ndrờm tam klac, kờ` gơboh, dong kờl bal mờ gơp mờ bơsong lă kal ke, bal mờ gơp lơh jơh niam ală kal ke bơh sơn rờp tàm broă pơlam tàp cau ling pa.”

                                        Cau cih mờ yal tơngit K’ Duẩn.