VOV4.K’ho- Ƀộ Y tế sồr Sở Y tế ală càr, ƀòn dờng dong kờl làng bol tàm ù tiah càr, ƀòn dờng he dê ală broă lơh rơcang sơndră kòp jat jơnau sồr, pleh broă sơm is kòp tàm hìu mờ ờ jat jơnau pơlam bơh gah lơh sơnơm dê. Sở Y tế ală càr, ƀòn dờng pal yal sồ điện thoại lơh broă sùm nàng dờp mờ bơsong jơnau yal, cồng nha xét nghiệm is mhar, kháng nguyên bơtờp kòp bơh anih lơh broă, mpồl lơh broă mờ làng bol tàm ù tiah càr, ƀòn dờng dê.

Do là jơnau sồr bơh Ƀộ Y tế dê tềng đap bơta 2, 3 nă F0 lòt tus ală hìu sơnơm tơnơ̆ tŭ xét nghiệm is mhar kháng nguyên ai cồng nha bơtờp kòp mơya ờ yal ai gah lơh sơnơm tàm ƀòn lơgar in. Broă do digơlan lơh gơlik bơta bơtờp kòp tàm uă tiah. Ală càr pal sơlơ tơnguh broă lơh mblàng yal jơnau, pơlam làng bol, anih lơh broă, mpồl lơh broă tàm càr in lơh jat ală jơnau sồr rơcang sơndră kòp, kuơmàng là gơ wèt tus mờ broă lam lơh xét nghiệm is, dong git gŏ gờñ cau pin bơtờp kòp, tam cah di tŭ, đal git tiah geh kòp mờ kơryan kòp, mờ kung tơrmù ƀà bơta bơtờp kòp ai mpồl bơtiàn in.

Cau mblàng K’Duẩn