VOV4.K’ho - Mpồl cau Việt Nam kis tàm càr Rattanakiri, lơgar Campuchia geh rơlao 500 hìu mờ rơlao 1 rơbô nă. Bu\ lah rài kis gam uă kal ke, mơya mờ nùs nhơm gơboh mờ lơgar tòm Việt Nam, làng bol jơi Việt Nam kis tàm do gam lơh ngan tàm broă prăp gàr bơta chài rơgơi ờs mờng.

Ơdu\ bơsram dà đơs lơgar Việt Nam ai oh kòn cau jơi lơgar Việt Nam kis tàm do geh lơh sùm mờr 2 nam do là cơng tàng niam tus mờ nùs nhơm wèt tus hờ dà lơgar tòm bơh ală cau kis ngài mờ dà lơgar dê.

       Ơdu\ bơsram dà đơs lơgar Việt Nam ai oh kòn cau jơi lơgar Việt Nam kis tàm càr Rattanakiri

Bồ nam 2016, ơdu\ bơto dà đơs lơgar Việt Nam ai oh kòn làng bol jơi lơgar Việt Nam kis tàm càr Rattanakiri, logar Campuchia geh lơh. Pah ngai, tàm hìu pơrjum [òn bơh mpồl cau lơgar Campuchia geh jơi bơh lơgar Việt Nam kis tàm càr Rattanakiri sùm mpong săp kơnòm dềt bơsram sră.

Kis ngài mờ dà lơgar tòm neh 35 nam do, mò Lê Thị Lệ pà g^t, să tòm mò go\ chờ hờp ngan tu\ pah ngai geh jun 2 nă sao tòm sơnđan là Hiền mờ Lụa tus ơdu\ bơsram dà đơs lơgar Việt Nam. {ùi mho tu\ lòt rò 2 nă sao rê, mò tus gờ` kờ` iăt kòn sao bơsram sră. Mò yal gơlơh bè kis wơl tàm [òn lơgar tòm Việt Nam dê.

Chờ rơlao tai là tu\ go\ ală sao bơsram sră sơlơ ngai sơlơ jăk, g^t cih bal mờ wă bơhiàn chài rơgơi ờs mờng lơgar Việt Nam dê tai:

- Cau lơgar Việt Nam he là ờ sơbì dà lơgar tòm. Pơgru tus tàm do là chờ hờp ngan den tàng a` neh ai 2 nă sao do, lài do kis tàm tiah Nam Vang tus kờ` bơsram dà đơs lơgar Việt Nam dê.

Sao a` lài do tu\ ờ hềt bơsram sră den ờ gơlòng ngan, tu\ do geh pơgru bơto di pal den tàng sao neh gơlòng ngan. Mè mờ bèp bol khi kis tàm tiah ndai lùp sồr sùm, lơh ngan ròng ală sao, kờ` bol khi lòt lơh broă ơpah geh priă dong kờl bol a`. Tu\ do, bol a` kung chờ hờp ngan sơl. Lòt bơsram rê là koan tê niam să, niam ngan.

        Ală kơnòm bơsram đơs dà lơgar Việt Nam ku\p rùp lời kir bal mờ mpồl kuang bàng càr Kon Tum

Tàm nhai 1 nam 2016, tu\ rơ\p bơto dà đơs lơgar Việt Nam ai oh kòn làng bol geh jơi lơgar Việt Nam kis tàm càr Rattanakiri pa geh lơh mìng geh 14 nă oh tus bơsram, tu\ do neh tơnguh tus 41 nă.

Kờ` di pal mờ rài kis mùl màl, ală oh geh tam pà gơs 2 ơdu\ pơgồp bal. {ùi drim ơdu\ 3 mờ ơdu\ 4, [ùi mho lời ơdu\ 1 mờ ơdu\ 2 in. Bal mờ bơsram đơs, bơsram cih, bơsram sền dà lơgar Việt Nam, ală oh gam geh pơgru bơto uă jơnau đơs crih mờ dà Việt Nam, hơ\ sồng bơhiàn tàm rài kis lơgar Việt Nam dê neh lơh ơdu\ bơsram tu\ lơi kung chờ hờp. Oh Đào Thị Như Ý, bơsram ơdu\ 3 pà g^t:

- Kòn gơlơh chờ hờp ngan. Kòn wă jơnau bơsram bơh pơgru bơto [uơn ngan. Mè kòn kung chờ. Kòn kơ\p kờ` geh bơsram jăk, tus dờng rê nhơl mờ mò.

Pơgru Nguyễn Văn Nuôi, cau geh càr Kon Tum pồ sồr tus pờ ơdu\ bơto đơs dà lơgar Việt Nam ai oh kòn cau lơgar Việt Nam tàm do pà g^t, 2 ơdu\ bơsram đơs dà lơgar Việt Nam bơh pơgru bơto sơlơ ngai sơlơ gal kơnòm bơsram tus bơsram, geh ală oh hìu ngài mờ càr Rattanakiri rơlao 500 kơi sồ kung geh mè, bèp pơyoa mờ cau koèng kờ` bơsram mờ ơdu\ bơsram do sơl.

Mò Trần Thị Nga, Phó Chủ tịch UBND càr Kon Tum pà mpồl cau jơi Việt Nam kis tàm càr Rattanakiri 2 jơdu\ bơsram kờp jơh khà priă 1 tơmàn priă lơgar Việt Nam

Pơgru Nuôi yal, cồng nha dờng màng ngan bơh pơgru dê là neh pơlam ală kơnòm bơsram in g^t nùs nhơm kờ` gơboh mờ dà đơs lơgar Việt Nam bal mờ bơta chài rơgơi lơgar Việt Nam dê:

- A` pal bơto ală oh lơyài, tềng đăp măt là bè bơta niam tàm rài kis, tơnơ\ mờ hơ\, hơ\ sồng ai ală oh bơsram sră. Nùs nhơm cau pơgru tàm tơngai 3 nam lơh broă kung kờ` ai jơh nùs nhơm să tòm bơto oh kòn làng bol he kis ngài mờ dà lơgar g^t akhar cih, g^t jơi bơtiàn tòm lơgar Việt Nam dê, g^t bơtiàn chài rơgơi lơgar Việt Nam dê.

Bal mờ broă lơh ngan bơh mpồl cau lơgar Campuchia geh jơi nòi bơh lơgar Việt Nam kis tàm càr Rattanakiri, gơnoar atbồ 2 càr geh bal gùng nhàr dà lơgar là Gia Lai mờ càr Kon Tum neh dong kờl ală bơta phan geh kuơ kờ` ai oh kòn in tus bơsram dà đơs lơgar Việt Nam.

Mùl màl, càr Gia Lai neh dong kờl 84 rơbô đôlar Mỹ kờ` dong kờl mpồl cau jơi lơgar Việt Nam kis tàm do blơi 1 bă ù tàm [òn dờng Ban Lung ơnàng 264 thơ\k buơng lơh hìu lơh broă mpồl dê mờ geh oh kòn in anih kờ` bơsram sră tai.

Càr Kon Tum ai 1 nă cau pơgru tus dong kờl mpồl cau lơgar Việt Nam kis tàm do bơto dà lơgar Việt Nam. Kờ` ală oh in geh sră, jơnau yal yau mờ dà lơgar Việt Nam, gah bơto bơtê mờ bơsram bal mờ chài rơgơi 2 càr do neh pơyoa pà sră ai ală oh in.

Bu\ lah kis ngài mờ dà lơgar tòm, mơya mpồl cau jơi lơgar Việt Nam bal mờ ală kơnòm bơsram tàm càr Rattanakiri sùm go\ loh làng ngan nùs nhơm bơh dà lơgar tòm Việt Nam dê. Ồng Phạm Văn Ninh, Chủ tịch mpồl cau lơgar Campuchia geh jơi nòi tòm bơh lơgar Việt Nam kis tàm càr Rattanakiri yal:

- Mpồl đơng lam bal mờ làng bol ờ geh bơta lơi chờ rơlao tu\ geh nùs nhơm đềt mềr, mờ lơh geh 1 nơm hìu ai ală jơi bơtiàn Việt Nam kis ngài mờ dà lơgar tòm in.

Geh broă sền gròi bơh Đảng uỷ càr, UBND càr bal mờ mpồl lơh broă ală kơnă, tu\ do ală oh kòn neh geh nggui tàm kơ[àng bơsram sră, g^t jơnau đơs crih kờ` kah tus jơi nòi tòm. Mpồl đơng lam bal mờ làng bol geh lơh ngan bơ\t bơtàu rài tơnơ\ do làng bol bal mờ ală kòn sao in.

Kờ` oh kòn jơi bơtiàn Việt Nam geh hìu bơsram niam, geh tơl rơlao, lồi nhai 8 pa do, tàm dơ\ lơh broă tàm càr Rattanakiri di tơnkah 50 nam crơng gơs broă lơh bal mờ nam lơh g^t gơ\p, lơh bơyô bal bơh lơgar Việt Nam mờ lơgar Campuchia nam 2017, càr Kon Tum neh pà mpồl cau lơgar Campuchia geh jơi nòi tòm bơh lơgar Việt Nam 2 jơdu\ bơsram mờ khà lơh gơs 1 tơmàn priă lơgar Việt Nam.

Tơnơ\ mờ tu\ dờp khà priă do, Mpồl đơng lam bal mờ làng bol neh lơh mơ broă lơh jơdu\ bơsram, di gơlan geh lơh gơs mờ ai ngui lài mờ satềp nam do. Dà đơs lơgar Việt Nam, bơta chài rơgơi Việt Nam dê gam geh cau lơgar Việt Nam tàm càr Rattanakiri, lơgar Campuchia prăp gàr mờ tơnguh bơtàu niam.

Cau cih mờ yal tơng^t Ndong Brawl