VOV4.K’ho- {òn Bu N’đoh, xã Dak Wer, kơnhòal Dak Rlâp, càr Dak Nông lài do kal ke ngan. Ală nam rềp ndo, [òn Bu N’đoh neh geh bơta tam gơl loh làng ngan bơh broă lơh bơt bơtàu [òn lơgar pa. Gùng lòt dờng ơnàng, đèng sòl àng gùng lòt ală [òn, ală hìu geh lơh dờng niam ngai sơlơ ua\ neh lơh gơlik tai muh mat pa bơh tiah làng bol kòn cau do dê.

Tàm gơl gùng dă mờ cài dờng ơnàng ngan lam mut tàm [òn Bu N’đoh, 2 gah là ală sươn kơphe, tiêu gơs niam. Bơrlu\ bal là ală hìu dờng niam mờ bơta chài bơceh mòn niam ngan. Tàm khà hơ\, geh hìu bơh bi Thị Jú dê pa lơh gơs. Bi Thị Jú yal, rài kis bè ngai do là kơ nờm hìu bơnhă geh càn pria\ ai hìu bơnhă r[ah in, bơsram jơnau tơnggit bơh ua\ gah mờ bơta dong kờl bơh gơ noar atbồ tàm [òn lơgar dê, khin cha bơcri pria\ blơi phơng sih, ngui khoa học kỹ thuật tàm broă tam kơphe mờ tiêu. 3 nam do, hìu bơnhă bi geh pria\ jền lơh geh kơ\ kơljap, lơh geh hìu, 2 nă kòn geh bơsram tus gùng tus dà: “Ua\ nam do, geh bơta sền gròi bơh Đảng mờ Dà lơgar den làng bol kung neh git wă bè khoa học kỹ thuật nàng tam phan gơguh ua\ rlau bè pria\ jền lơh geh. Làng bol git sền gàr tiah ơm kis, gàr kloh niam bal, ờ khat bè sang sồ sia\, tơl nă cau tàm [òn git sền gàr den tàng gùng lòt tàm [òn ngai sơlơ niam rlau nàng dipal mờ tơl khà [òn lơgar pa”.

Jat bi Điểu Xuynh, atbồ [òn Bu N’đoh đơs, ală nam rềp ndo, ală broă lơh bơcri pria\ bơh Đảng, dà lơgar dê ngai sơlơ lơh geh cồng nha, rài kis lơh sa làng bol dê hời rơ hời geh tơnguh. Bơt bơtàu [òn lơgar pa, tơl nă cau git khòm sồ sia\, gàr kloh niam tiah ơm kis, mờ tă pơgồp rlau 50 tơlak đong nàng crap cèng sòl àng gùng lòt tàm [òn: “Làng bol lài do ờ hềt git wă rò sa tềp bơhìan yau, mơya kơ nờm geh bơta sền gròi bơh Đảng, dà lơgar dê den pơgap 2, 3 nam do bulah ờ ru mơya gơ noar atbồ tàm [òn lơgar kung pà poac sur, mbar, làng bol chờ hờp ngan, làng bol neh pin dờn tàm Đảng, bơsram mờ lơh jat tàm bơtàu tơnguh lơh sa, gùng lòt tàm [òn sàng goh, niam bơne\, nam do kung bè hơ\ sơl, tơl nă cau tryăng tryồng lơh broă lơh sa nàng wă rò sa tềp”.

Kơ nờm tam gơl jơnau git wă mờ ngui khoa học kỹ thuật tàm broă lơh sa, làng bol kòn cautàm [òn neh geh rài kis hờm ram rlau. Mờ ală broă lơh ngan ngồn bè dong kờl pria\ bơcri, pơlam lơh sa sươn sre neh dong làng bol tam gơl broă sơ nơng, broă lơh, ờ gam kơp gơn tàm bơta dong kờl bơh dà lơgar dê. Ồng Nguyễn Ngọc Quân, Chủ tịch Ủy ban Nhân dân xã Dak Wer đơs là, kơ nờm geh bơta brồ guh bơh làng bol dê neh pơgồp bơnah lam xã Dak Wer lơh gơs broă lơh [òn lơgar pa tàm nam 2017: “Làng bol kòn cau tàm [òn Bu N’đoh là cau M’nông den tàm jơnau git wă neh tam gơl loh làng ngan, hìu đam dờng niam, rài kis gơguh jak. Bơh hơ\ tơl nă cau kung neh git bè broă sền gàr lơngap lơngai ờ do ờ dă mờ tă pơgồp lơh gùng che đèng, sền gàr lơngap lơngai. Tờ bơ tô nàng bồr sồ sia\, lơh niam sồ sia\ tàm hìu. Geh bơta sền gròi bơh Đảng, dà lơgar dê, gùng lòt, gùng che đèng mờ ală hìu bơnhă kal ke bè hìu ơm ndrờm geh ală gah broă lơh, ală kấp sền gròi bơcri pria\ dong kờl. Rài kis làng bol tàm [òn bơtàu tơnguh, là dùl bơta pơn rơ niam nàng ală [òn ndai in đòm jat tàm broă bơt bơtàu, bơt bơtàu [òn lơgar pa”.

Dùl sơnam pa gam tus, làng bol kòn cau M’nông tàm [òn Bu N’đoh pơn jat tai pơgồp bal bơta pràn, dùl nùs bal bơt bơtàu [òn tờm ngai sơlơ pas sơm, niam bơne\.

Cau mblàng K’Duẩn