VOV4.K’ho – Lâm Viên Ea Kao mờ Lâm Viên Buôn Ma Thuột là 2 tiah nhơl chờ tàm [òn dờng Buôn Ma Thuột, càr Daklak gơ hòi gal ngan nac mờ làng bol tus nhơl `o\ tàm ală ngai lồi poh mờ ală ngai chờ, sa tềp. 2 tiah nhơl chờ do nac nhơl chờ kờ` ngan tài ù tiah brê bơnơm niam, tiah kis ờ [ơ\ [ơl, kloh ngan:

Tơnau Ea Kao ơnàng rlau 200 lồ là tơnau bơtơt rơbòng dà dờng ngan rlau jơh tàm Buôn Ma Thuột, tu\ do geh git tus là tiah lòt sền, nhơl `o\ niam ngan bơh [òn dờng dê. Pah tu\ trồ mho, nac nhơl chờ, kơnòm bơsram, cau bơsram dờng mờ làng bol [òn dờng tus ndo nàng sền dà dờng ơnàng ngan; ngài ngài là mìr kơphe, sre lơh kòi, suơn tam tơ ngời tơlir niam ngan; halà se\ còp ală hìu kù đàr ka, geh nhơl ală bơta kờ` pal geh bơta kơ\ nùs. Bi Nguyễn Xuân Mạnh, lơh broă tàm gah lơh sơnơm càr Daknông bal mờ mpồl cau lơh broă bal tus tơnau Ea Kao đàr ka pà git: “ Bol a` tus ndo là dơ\ 4. Bol a` neh lòt gùt dar tơnau Ea Kao, hơ\ sồng lơh sàl ơm wơl. Oh mi tus ndo den mìng kờ` sền ù tiah geh is. Tàm do uă ngan là cau bơsram dờng, cau lơh broă sa priă nhai dà lơgar, cau lơh broă bè ờs kung tus ndo nàng nhơl `o\. Dilah bơcri priă nhơl chờ hìu suơn, kơphe halà ală broă drơng ala ndai bè `ô sa trồ mho den ngan là khà nac tus gal ngan.”

Trồ tiah dờng ơnàng gơ kờ` ngan mờ broa\ lòt nhơl tàm bơdĩh tiah

Đah ne tơnau là Lâm Viên Ea Kao bơh mpồl lơh sa kă bro tiah drà mờ tiah kis Daklak atbồ. Nàng gơtùi tus tiah do, nac nhơl chờ pal lòt jat gùng car gùt dar [òn Tơng Jú, ntum Ea Kao. Do là brê geh is ơnàng ngan, nhơt hòn bềng rềp mờ gah tơnau dà, niam ngan nàng mut lơh ală broă lơh nhơl `o\ bơdìh, lơh sàl. Bi Tôn Thất Hùng Đại, tus bơh [òn dờng Đà Nẵng bal mờ mpồl bơyô tus ndo lơh sàl, đàr ka, jòi lòng nàng tru\ sa tàm bă tiah sàng kloh, niam ngan. Bi đơs: “ Bơta sơn rờp mờ a` kờ` tàm do là ngềt ngơt, tiah kis ờ gơtìp aniai tài nhu\ rơndeh halà sap nggồr. A` go\ tàm do ờ hềt gơtìp kòn bơnus tam gơl uă. Tàm do geh tơnau dà, bơnơm mờ ờ hềt gơtìp [ơ\ tài sồ siă.”

Dùl mpồl pơnu lòt nhơl chờ tàm Lâm Viên Ea Kao

Ai gơ wèt mờ oh Nguyễn Thị Tường Vy kung bè uă cau bơsram bơh hìu bơsram dờng Tây Nguyên den Lâm Viên Ea Kao là tiah nhơl chờ lồi poh niam ngan, ù tiah brê bơnơm, tơnau dà, gơtùi cùp rùp lời kir: “ Lâm Viên den geh ù tiah niam nàng cùp rùp, ù tiah den ơnàng ngan, tơnau dà kung ơnàng mờ niam ngan. Oh kơp kờ` geh lơh niam rlau tai bè ù tiah, mơya ba` lơh roh bơta niam geh is gơ dê.”

Bal mờ Lâm Viên Ea Kao, Lâm Viên Buôn Ma Thuột kung geh pờ mpồng nàng drơng làng bol mờ nac nhơl chờ in. Ală phan lơh gơlik wơl geh ngui chài ngan neh tam gơl gơs phan tam bơkàu, rơndeh ồs, phan puh càl mờ ală phan kis niam ngan bè rơ was, bơs tur, iar dam, dồ, bơh sơn rờp lơh geh tai bơta niam ai Lâm Viên Buôn Ma Thuột in bơh lài mìng geh chi brê. Ồng Lê Đình Trung, kuang jat jơng atbồ mpồl lơh sa kă bro tiah drà mờ tiah kis Daklak pà git, anih ràng tơlik phan lơh gơlik wơl tàm Lâm Viên Buôn Ma Thuột ờ mìng cèng wơl ală rùp rài niam ngan, mờ gam pơyua tus tơl nă cau jơnau đơs “ Bơta kis pa bơh phan sang”, kờ` mblàng yal tơnguh git wă sền gàr tiah kis. Ồng pà git: “ Mờ rơndap broă bơh gơnoar atbồ lơgar dê bè ngui wơl phan sang, mpồl lơh sa kă bro neh lơh ờ uă broă lơh gơlik wơl bơh phan sang do, gơ ai go\ bơta kis bơh phan sang. Bơh hơ\ tơl nă cau git wă bè broă sền gàr tiah kis. Kờ` bơtàu tơnguh dùl anih tus tàm [òn dờng Buôn Ma Thuột den pal bơcri niam rlau. Bè ală bă brê den bơtàu tơnguh nhơl chờ mơya kung pal gàr ù tiah brê bơnơm kơ\ kơljap, ờ lơh aniai tus ù tiah tàm ală bă brê do.”

Kong rơndeh geh lơh gơs bàng kơghe\ tàm Lâm Viên Buôn Ma Thuột

Bulah ờ hềt di là ală tiah nhơl chờ geh broă drơng ala niam, mơya Lâm Viên Ea Kao mờ Lâm Viên Buôn Ma Thuột, 2 tiah brê bơh càr Daklak dê gam sền gàr tiah kis sàng kloh, là anih tus niam ngan nac nhơl chờ mờ làng bol [òn dờng in pah tu\ ngai chờ, sa tềp tus mờ ngai lồi poh.

                                                         Cau cih mờ yal tơngit K’ Duẩn