VOV4.K’ho - Tàm ală nam do, broă tàp ling gàr [òn tàm [òn drà do sùm geh đah đơm lam ling klàng [òn drà Gia Nghĩa, gơwèt gah đơng lam ling klàng càr Dak Nông sền gròi ngan. Mờ gùng dà broă lơh “Anih tàp gơl^k kơl hề, tiah tam lơh ờ hoan gơtuh mhàm” ală cau ling tàm rài lơngăp lơngai tu\ tus tàm broă tàp ling den geh bơyai lơh di pal, sùm rơcang lài tam lơh, gàr niam bơta lơngăp lơngai [òn lơgar.

Tàm dơ\ tàp ling do, Mpồl đơng lam ling klàng [òn drà Gia Nghĩa neh lơh jăt broă tàp ling ai rơlao 300 nă cau ling rơcang gàr lài ală gah, mpồl lơh broă tàm [òn drà do in. Tàm tơngai tàp, cau ling geh bơto ală tơngu me bè gùng dà, broă lơh bơh Đảng bal mờ adăt bơh lam bơh Dà lơgar dê tàm broă tơrgùm bal mờ tơnguh bơtàu tu\ do. Cau ling Lê Văn Việt, lơh broă tàm gah gùng lòt mờ pơn diang càr Dak Nông pà g^t: “Tơnơ\ mờ tu\ geh dờp jơnau hòi jà lòt tàp ling, să tòm a` neh rơndăp tơngai lơh broă di pal, broă lơh ring niam kờ` tus bal mờ ơdu\ tàp ling do geh cồng nha uă ngan. Tơnơ\ mờ tu\ tàp rê, a` geh pơlam tus mờ ală kơnă đơng lam tàm anih lơh broă, kờ` g^t bal mờ tơnguh broă lơh tàm anih lơh broă tòm”.

Tàm 1 poh, ală cau ling geh bơsram ală jơnau tòm bè kơrnoăt tàm mpồl ling, cuh phào, to gar năt, sơndră mờ phào crong công nghệ pa… Bơh tu\ hơ\, tơnguh bơta ngăc ngar, dong kờl mpồl rơcang gàr lài tu\ lơi kung rơcang di tu\ mờ ală bơta gơbàn ờ niam, lơh gơbàn kal ke. Broă tàp ling tàm [làng sùm geh tơl niam ờ do ờ dă bè kòn bơnus bal mờ phào crong. Lo\ Nguyễn Thị Trúc Ly, lơh broă tàm mpồl sền gàr tiah lơh sa mờ măy mo\k càr Dak Nông đơs: “A` tus bal mờ ơdu\ tàp ling do là dơ\ sơnrờp, kung gơbàn uă kal ke, mơya sùm geh broă lam sồr jơh nùs bơh mpồl cau pơgru. Tàm ơdu\ bơsram den tơrgùm bal, dong kờl bal tàm broă bơsram kờ` g^t wă ală broă lơh tòm bè cuh phào, to gar năt, siao bơrtoh ha là ală kơrnoăt hô. Bè bơnah g^t wă bal den a` kung neh g^t kơnòl să tòm a` dê tàm bơta tu\ do”.

Gàr bơta niam broă tàp ling nam 2016, Mpồl đơng lam ling klàng [òn drà Gia Nghĩa neh lơh rơndăp broă tàp ling nền nòn ngan, jơnau bơsram geh ai tơl^k niam, [làng tàp di pal mờ gùng dà broă tàp ling “Lơh tòm, mùl màl, kơl jăp”. Trung tá Trương Văn An, Mpồl đơng lam ling klàng [òn drà Gia Nghĩa pà g^t: “Sền gròi broă tàp ling mờ ală tơngu me ndrờm geh cồng nha niam, tàm hơ\ geh môn chính trị rơlao 80% geh khà jăk. Tàp ling rơcang gàr lài nam do đơs ngan ală cau ling lơh jăt nền nòn mờ kơrnoăt ơdu\ bơsram geh ai, jơnau g^t wă kung bè bơta ngăc ngar bơh cau ling rơcang gàr lài geh tơnguh. Di lah pơndrờm mờ nam 2015, dơ\ tàp ling do geh khà jăk mờ geh tam gơl niam”.

       Cau cih mờ yal tơng^t Ndong Brawl