VOV4.K’ho- Rơcăng cih Jơnau yal Chính trị tàm Pơrjum dờng dơ\ 13 Đảng dê gam geh dan jơnau đơs Pơrjum dờng Đảng ală kấp geh uă bơta pa. Pal sền ngăc là, rơcăng cih dơ\ do đơs uă tàm gơnoar broă cau tờm, gơnoar broă anih tờm bơh làng bol dê tàm broă lơh bơtàu tơnguh dà lơgar, tàm jơh ală tu\ bơ\t bơtàu, sền gàr dà lơgar. Bal mờ hơ\ kung đơs sùm broă kơnờm tàm làng bol nàng bơ\t bơtàu, lơh niam wơl Đảng, kơnờm tàm làng bol nàng sac rwah kuang bàng…Do là ală bơta kuơ dờng màng ngan geh ai tơrgùm geh bơh uă tơngai lơh broă Pơrjum dờng, pà go\ Đảng pal geh gùng dà ai tơl bơta ai làng bol in ngan ngồn tus bal tàm ală broă lơh bơ\t bơtàu, sền gròi mpồl kuang bàng.

Pơrjum dờng cau ala măt Đảng bộ quận Ba Đình, [òn dờng Hà Nội dơ\ 26, tơngai lơh broă bơh nam 2020- 2025 pa geh lơh tàm bồ nhai 6 do. Dùl tơngume pal sền ngăc ngan bơh Pơrjum dờng dê là ală cau ala măt tă pơgồp tàm Rơcăng cih Jơnau yal Chính trị Pơrjum dờng dơ\ 13 bơh Đảng dê. Uă cau ala măt đơs là, pal lơh niam, geh cồng nha tàm bơta geh ngan làng bol lơh tờm tơn, làng bol lơh tờm ala măt, làng bol lơh tờm kơnă hơđơm jăt jơnau đơs “Làng bol gi\t, làng bol bơyai, làng bol lơh, làng bol sền swì, làng bol gròi sền mờ làng bol geh dờp lèng”.

Làng bol lơh tờm, ai geh nùs nhơm làng bol dê là geh jơh ală bơta, Làng bol iăt, làng bol bơyai, làng bol lơh, làng bol lơh jăt là gơtùi jơh. Den tàng jơnau kờ` bơ\t bơtàu Đảng, bơ\t bơtàu Dà lơgar kung gam pal tơrgùm tàm làng bol sơl. Đảng tềng anih lơi, Đảng tàm làng bol mờ geh, den tàng làng bol dùl nùs bal, làng bol lơh jăt Đảng. Den tàng, Kơrnoat bơh Đảng dê là Kơrnoat pal gơ lòt mu\t tàm nùs nhơm làng bol dê.

90 nam bơh tu\ crơng gơs, Đảng ndrờm ờ tu\ lơi tam gơl jăt tàm bơnàng jă bồ tơngoh bơh Chủ tịch Hồ Chí Minh dê. “Tàm kơlwàng trồ ờ geh bơta lơi kuơ rlau mờ làng bol. Tàm dunia ờ geh bơta lơi kuơ ndrờm mờ mpồl cau tam klăc bal bơh làng bol dê”. Bơta geh ngan tàm rlau 30 nam tam gơl pa pà go\, làng bol ngan là mpồl cau lơh gơlik gơs să bồ bơh broă lơh tam gơl pa dê. Ngan den tàng bè hơ\, Pơrjum dờng dơ\ 13 bơh Đảng dê pơn jăt tai lơh jăt nùs nhơm “Làng bol là tờm” nàng tơrgùm sền gròi wil tơl mờ jrô ơnàng tus rài kis, bơta kuơ geh ngan bơh làng bol dê.

Giáo sư, Tiến sĩ ồng Phùng Hữu Phú, Phó Kuang ătbồ duh broă sùm Mpồl duh broă Cribơyai tơr`a Dà lơgar, Kuang jăt jơng ătbồ duh broă sùm Mpồl sền swì Sră nggal Pơrjum dờng dơ\ 13 bơh Đảng dê đơs nền: Tơngume sră nggal neh ơn làng bol là anih tờm bơh broă lơh bơtàu tơnguh dà lơgar dê, yờ tơnguh gơnoar broă cau tờm, do là bơta pa bơh tơngai lơh broă Pơrjum dờng dơ\ do dê. Giáo sư, Tiến sĩ ồng Phùng Hữu Phú, đơs: Pa tàm bơta tàm pơdờn mờ lơh sir gơs bồ tơngoh ờ tu\ lơi tam gơl bơh Đảng he dê. Tàm rcăng cih Jơnau yal chính trị geh đơs sùm pơn jăt tai đơs sùm broă lơh jăt niam, geh cồng nha bơta pal jăt làng bol lơh tờm kơnă hơđơm, mơya mờ bơtơl ờ go\ di mìng “làng bol gi\t, làng bol bơyai, làng bol sền swì” lơm ờ mờ bơtơl tai bơta pa là “làng bol gròi sền mờ làng bol dờp lèng”. Kờ` jơnau do gơ gơs bơta pràn ngan ngồn den pal ngui geh gơnoar broă bơh làng bol dê tàm gròi sền ală broă lơh bơh mpồl Đảng, Dà lơgar dê, ală broă lơh bơh kuang bàng, đảng viên dê. Ngan là làng bol pal là cau dờp lèng ală bơta lơi mờ khi neh lơh gơlik.

Bơh ală tơngai lơh broă Pơrjum dờng, Đảng ndrờm kơnờm tàm làng bol nàng bơ\t bơtàu, lơh niam wơl Đảng, kơnờm tàm làng bol nàng săc rwah kuang bàng. Bơta geh ngan tàm tơngai lài pà go\, ală gùng dà nàng kờ` ngui niam bơta pràn bơh làng bol dê tàm sac rwah kuang bàng, bè: ai jơnau đơs bơh làng bol tiah ơm kis dê, tàm mpồl lơh broă, anih cau kuang bàng dê lơh broă; halà broă sồr kuang bàng đơng lam bồ, ngan là cau lam bồ jăt tơngai ờs mờng tìp măt tơm bơh bơr mờ làng bol, geh tiah kuang bàng sền tìs di is tềng đăp làng bol; halà broă lơh đùh sră sền swì pin dờn kuang bàng làng bol pồ… Jơh ală broă hơ\ pơgồp bơnah lơh jơnau đơs bơh làng bol dê gơ wèt tus mờ broă bơ\t bơtàu kuang bàng geh niam rlau. Mơya kung pal đơs song ngan tàm bơta geh ngan, geh tu\, geh anih broă ai jơnau đơs làng bol gam lơh bơchềt bơchòt lơm, lơh bơdìh lơm, khà cau, cau ai jơnau đơs gam ờ hềt uă.

Phó Giáo sư, Tiến sĩ ồng Nguyễn Quốc Dũng Kuang ătbồ Học viện Chính trị tiah 4, Học viện Chính trị Dà lơgar Hồ Chí Minh, đơs loh: Dilah sền ờ sơ\p jơnau đơs làng bol dê, ờ gơlik bơh bơta kuơ làng bol dê, den uă ngan là ờ gơtùi, ờ geh cồng nha. Uă ngan kuang bàng gơplơ\ gơhu\c nùs nhơm, gơ tu\p tìs tàm tơngai lài là tài bơh ơm ngài mờ làng bol, ờ go\ ai làng bol nàng drơng broă. Bè hơ\, să tờm kuang bàng hơ\ “lơh gơlik is”, “lơh tam gơl is”, mìng tài bơta kuơ dùl êt nă cau, hoài dan, ntoăt pơrlòng. Hơ\ là jơnau bơsram dờng mờ ngan ngồn tơngai lơh broă tus bol he geh pal pơn jăt tai lơh gơs gùng dà broă lơh kơrnoat boh lam nàng làng bol gròi sền.

Bơh ală jơnau bơsram mờng chài neh lơh geh mờ ờ hềt lơh geh bơh tơngai lơh broă khoá 12, nàng rcăng ai Pơrjum dờng dơ\ 13 in, Đảng pơn jăt tai đơs sùm broă rề ơnàng khà cau ai jơnau đơs làng bol dê tàm ală tu\ gròi sền bơ\t bơtàu Đảng đơs bal mờ bơ\t bơtàu mpồl kuang bàng đơs is. Kuơmàng tàm rcăng cih Sră nggal đơs sùm broă “pal geh gùng dà ai tơl bơta ai làng bol in ngan ngồn tus bal tàm ală broă lơh bơ\t bơtàu, gròi sền mpồl kuang bàng”. Kờ` rwah geh kuang bàng geh nùs niam, geh bồ tơngoh jak mu\t lơh broă tàm mpồl kuang bàng den ờ go\ geh bơta lơi niam rlau mờ broă iăt kơno jơnau đơs làng bol dê. Tài bơh kuang bàng tàm dơlam nùs nhơm làng bol, bơta lơi làng bol kung gi\t lơm, jơnau là pal bơyai lơh nàng ai geh jơnau đơs ngan ngồn bơh làng bol dê.

Phó Giáo sư, Tiến sĩ Lưu Văn An, Phó Kuang ătbồ Học viện Báo chí mờ Tuyên truyền đơs sùm bè do: Nàng sac rwah geh ală cau geh nùs nhơm niam ngan, geh bồ tơngoh jak ngan den jăt a` kơlôi là pal kơnờm tàm [òn lơgar, kơnờm tàm măt go\, tồr kơno là làng bol. Kờ` bè hơ\ den pal lơh tơngkah wơl nùs kờ` gơboh dà lơgar tàm tơl nă cau, mơya kung pal kơlôi tus bơta jơh nùs mpồl bơtiàn tàm làng bol. Mìng geh làng bol mờ ngan là mpồl đảng kơnă hơđơm gi\t loh ngan cau đảng viên hơ\ là cau bè lơi? Hơ\ là broă nàng bol he sac rwah, jòi swì, sền swì di bơta pràn jak, nùs nhơm bồ tơngoh bơta bơsram bơh tơl nă kuang bàng loh làng dê.

Mờng chài bơh uă tơngai lơh broă Pơrjum dờng pà go\, Đảng pal ơn làng bol là anih tờm bơh broă lơh bơtàu tơnguh dà lơgar dê, geh gùng dà nàng làng bol lơh, làng bol sền swì, làng bol gròi sền mờ làng bol geh dờp lèng. Tàm broă sac rwah kuang bàng, broă iăt kơno làng bol nàng sền go\ kuang bàng ờ hềt lơh di jơnau sồr; đal gi\t kuang bàng, đảng viên geh rài kis ờ geh bơta lơh krơh, sơmờm gơnoar broă nàng jòi sa kuề is ai să tờm he in…kung là bơta dờng màng ngan. Bơh jơnau đơs wơl bơh làng bol dê, kấp ủy geh tai jơnau yal nàng mblàng sền, sac rwah, bơh hơ\ ờ lơh gơmu\t tàm mpồl kuang bàng ală cau ờ lơh geh tơl jơnau sồr tàm mpồl kuang bàng bơh Đảng dê.

Cau cih Lại Hoa- Cau mblàng Lơ Mu K’Yến