Tàm ala\ nam do, yàng ờ ngan Hà Mòn, geh bơh ntum Hà Mòn, kơnhoàl Đak Hà, càr Kon Tum la bơta gơbàn aniai ngan tus mờ ngap lơngai bơh [òn làng bol tàm Tây Nguyên. Ờ mìng lơh làng  bol sang sơbì broa\ lơh sa, lơh ờ niam tus rài kis mpồl  bơtìan tàm [òn lơgar, yàng do gam sơnờm bơta jat yàng mờ kòn cau nàng hoài jà, chul chồl làng bol tàm ala\ [òn kờ` dra\ wơl gơnuar atbồ, lơh aniai bơta tam klac dờng gùt jơi bơtìan. Tơnơ\ ua\ nam lơh ngan tam dra\, tus tu\ do, yàng ờ ngan neh geh gơbàn sang, ala\ [òn neh  ngap lơngai wơl.

Rê wơl [òn Kret Krot, ntum Hra, buơn ngan go\ bơta ngap lơngai. Kơnòm dềt den chờ hờp nhơl `o\, cau dờng den ờ ru mờ `hai pic kơphe, tờ bùm blàng. Sền bơta do, ờ huan geh cau lơi git, bòn do neh geh tu\ gơtìp bol jat yàng ờ ngan pơr lồm, neh geh tu\ geh uă cau geh pơ ùr âng bau kòn jat yàng ờ ngan, broă lơh sa gơtìp aniai. Ồng Đinh Mak, 1 nă cau geh Đảng tàm bòn do đơs:“ Tơngai lài do, kòn cau tàm bòn Kret Krot bol a` jat yàng ờ ngan Hà Mòn, tồn lah ngap lơngai, mơya bol khi neh tìs jơh. Tơngai pa do neh tìs bloh, ờ lơh geh bơta lơi.”

Rài kis bơh mờr 140 hìu nhă, mờ pơgap 860 nă cau, jơh ală là kòn cau Bơnhàr tàm bòn Kret Krot neh geh ngap lơngai wơl, geh tu\ là bơtàu tơnguh rlau tơ nơ\ nđờ nam gơtìp gah jat yàng ờ niam Hà Mòn lơh aniai. Ală cau neh tìs đòm mờ jat yàng Hà Mòn, ờ sền gròi tus hìuầnm, sưon sre, tu\ do neh git wă. Bi Vung, 38 sơnam, kòn cau Bơnhàr, neh geh tu\ tus bal lòt mblàng yal bè yàng Hà Mòn tàm bòn Kret Krot pà git:“ Bơh nam 2012, a` neh git yàng Hà Mòn là ờ geh ngan. Khi mblàng yal he in den he ờ jat tai. A` mờ cau tàm bòn neh sang yàng ờ di, sền gròi wơl tus lơh broă, lơh sa.”

Kờ` lơh ngan tam dră săng sơbì yàng ờ ngan Hà Mòn, ală anih lơh broă geh gơnuar, mờ kuơ màng là gah đơng lam mpồl ling càr Gia Lai mờ kơnhòal Mang Yang kờp kơnòl tus 3 [òn la Bơ Chak, Kdung 1 mờ Kret Krot nàng ơm bal, sàu bal, lơh broă bal mờ làng bol. Bơh hơ\, lam sồr, mblàng yal làng bol in git bơta tìs, bơta di. Tus tu\ do, jơh 3 bòn neh hời rơ hời rê wơl di mờ jơnau pơn rơ là bòn jat yàng ngap lơngai, ỳang ờ ngan neh geh săng sơbì. Đại tá Dương Thái kuang jat jơng drơng broă gùng dră bal di gah đơng lam mpồl ling càr Gia Lai pà git:“Tu\ do mpồl ling càr neh sồr tus tàm bòn là 46 nă. Oh mi ơm bal, sàu sa bal mờ làng bol, den làng bol pin dờn ngan, uă hìu nhă sền ngềr ngan cau ling, khi cèng rơpual, plai `hồng hơ\ sồng phan ndai khi lơh geh nàng pà cau ling in. mờ cau ling kung rềp mềr ngan mờ làng bol, ơm bal mờ làng bol tơn, nùs nhơm đềt mềr ngan.”

Chờ hờp tài yàng ờ ngan Hà Mòn neh geh săng sơbì, [òn lơgar geh ngap lơngai wơl, ală [òn Bơ Chak, Kdung 1 mờ Kret Krot hời rơ hời bơyai lơh dơ\ săng sơbì yàng ờ ngan bè 1 jơnau kuơ màng ngan bòn dê. Dơ\ầnng yàng ờ ngan geh bơta tus bal bơh kuang đơng lam bồ mpồl Đảng càr, anih duh broă ala mat làng bol, anih duh broă làng bol, mpồl ling càr mờ gal ngan làng bol tàm do neh tơn jơh wơl jơh 1 tu\ tơngai kơ\ nùs tam dră, đơs tờm bơta lơh bal, 1 nùs bal bơh ling klàng mờ làng bol càr Gia Lai dê. Jơnau pơr gon bơh làng bol tiah do dê là tam klac, là wèt tus ală bơta niam bơne\. Ồng Đinh Đớt kra [òn [òn Kret Krot chờ hờp yal:“ Ngai do là ngai chờ hờp ngan bòn Kret Krot dê. Yàng ờ ngan Hà Mòn neh geh săng, bol he tu\ do sơn đờm bơt bơtàu bòn lơgar pa, kòn bơnus pa, bol he tam klac bal bơt bơtàu bòn lơgar, lơh sa, tam tơ ngời, tam bùm blàng, kơphe.”

{òn Bơ Chak, Kdung 1 mờ Kret Krot neh geh ngap lơngai wơl tơ nơ\ mò tu\ gơtìp yàng ờ ngan Hà Mòn pơr lồm. Mơya kung bè git nđờ bòn lơgar ndai tàm Tây Nguyên, làng bol tàm do gam lơh ngan bơt bơtàu bòn lơgar kơ\ kơljap bè lơh sa, pas sơm bè bơta niam chài rơ gơi mờ bơt bơtàu mpồl tam klac kơ\ kơljap, kơryan tơl kai aniai bơh ală gah mpồl sò tơm dê.

                                           }au mblàng K’ Duẩn.