Tơnơ̆ rlau 9 nam lam lơh bơ̆t bơtàu ƀòn lơgar pa gơguh jơnhoa, nam 2023, xã Ea Kao neh lơh sir 19 tàm 19 broă jàu lơh geh tơl broă jàu bơ̆t bơtàu ƀòn lơgar pa gơguh jơnhoa jăt jơnau sồr. Cồng nha bơ̆t bơtàu lơh geh ƀòn lơgar pa gơguh jơnhoa bơh xã dê geh tơnggŏ loh làng ngan tàm ală bơta, bè: rài kis phan bơna, nùs nhơm bơh làng bol dê sùm geh bơtàu tơngguh tai; priă lơh geh kờp bal dồ nă cau geh rlau 60 tơlak đong dồ nam. Xã Ea Kao là 1 tàm 4 xã bơh ƀòn dờng Buôn Ma Thuột dê geh dờp xã geh tơl broă jàu bơ̆t bơtàu ƀòn lơgar pa gơguh jơnhoa tàm dơ̆ do. Tơngguh jơh khà xã ƀòn lơgar pa gơguh jơnhoa bơh ƀòn dờng dê tus 5 xã.

Ồng Vũ Văn Hưng, Củ tịc Anih duh broă Làng bol ƀòn dờng Buôn Ma Thuột dê pà gĭt, ƀòn dờng pơnđơl tus jơh nam 2024 ƀòn dờng rơ̆p geh 8 tàm 8 xã lơh geh tơl broă jàu bơ̆t bơtàu ƀòn lơgar pa gơguh jơnhoa mờ 1 xã lơh geh tơl broă jàu ƀòn lơgar pa lơh krơh lài.