VOV4.K’ho- Xã Hoà Thuận, ƀòn dờng Buôn Ma Thuột, càr Dăk Lăk neh bơyai lơh dơ̆ dờp rò kơrnoăt xã geh tơl khà ƀòn lơgar pa gơguh jơnhoa. Do là xã bơh sơnrờp càr Dăk Lăk dê lơh geh cồng nha do. Tơnơ̆ mờr 7 nam bơ̆t bơtàu xã ƀòn lơgar pa gơguh jơnhoa, muh mat xã Hoà Thuận dê pơn jăt tai geh ală bơta tam gơl pa uă ngan, phan bơna geh bơcri priă lơh niam wơl dùl ròt bal, rài kis làng bol dê geh tam gơl niam mờ bơtàu tơnguh. Nam 2021, priă lơh geh kờp bal dùl nă cau xã dê geh rlau 48 tơlak đong. Khà hìu rƀah hơđơm 1%.

Broă xã Hoà Thuận là tiah sơnrờp càr Dăk Lăk dê geh Củ tịc Ủy ƀan Ñân zân càr dờp xã geh tơl khà ƀòn lơgar pa gơguh jơnhoa ờ mìng là bơta chờ hờp dờng bơh Đảng ƀộ, gơnoar ătbồ mờ làng bol tàm xã dê mờ gam là dùl tàm ală bơnàng jă kwơmàng nàng ƀòn dờng pơn jăt tai rề ơnàng lơh uă lơh jăt geh cồng nha ală kơnòl broă bơ̆t bơtàu ală xã ƀòn lơgar pa gam wơl gơguh xã ƀòn lơgar pa gơguh jơnhoa bơh ƀòn dờng dê tàm ală nam pơn jă tai.

Cau mblàng Lơ Mu K’Yến