VOV4.K’ho –  Dơ\ lơh chờ Katê là dùl tàm ală dơ\ lơh chờ dờng ngan rlau jơh bơh làng bol cau Prum jat yàng Brah man tàm càr Ninh Thuận dê geh lơh bơh ngai do 10/10 tus ngai 13 tus do. Nđờ ngai do, bal mờ [òn Prum tàm càr, làng bol 2 [òn lơh broă ờs mờng bơh yau là [òn lơh phan mờ ù buh Bàu Trúc mờ [òn tàn ồi yau Mỹ Nghiệp, kơnhoàl Ninh Phước kung gam ờ ru ngan mờ broă rcang ală phan bơna pa nàng di tu\ drơng năc lòt nhơl in tus còp [òn lơh broă ờs mờng bơh yau tàm dơ\ lơh chờ Katê.

            Là cau lơh broă jo\ sơnam ngan mờ broă tàn ồi yau Prum Mỹ Nghiệp, bơta chờ hờp dờng ngan rlau jơh bơh mò Thuận Thị Trào dê tàm dơ\ lơh chờ Katê do là ală cau chài bơh [òn dê neh lơh wơl geh 7 bơta rùp bơka yau rcang sềr tềng 100 bơta phan, bal mờ tơl ngan ală bơta bè: kơldung trao, àu, kơldung prăp priă, kơldung à`, chèu dă kơbàng…nàng wa\ rò năc lòt nhơl tus còp sền, mờ blơi. Bal mờ hơ\, Mỹ Nghiệp gam bơcri priă lơh niam wơl cơldu\ ràng tơlik phan nàng drơng niam rlau năc lòt nhơl in tàm dơ\ lơh chờ Katê. Mò Thuận Thị Trào cau chài tàn ồi yau Prum Mỹ Nghiệp, tàm ntum Phước Dân, kơnhoàl Ninh Phước, càr Ninh Thuận, pà gi\t: “Anih lơh broă bơh bol a` dê gam rcang ală bơta phan wa\ rò dơ\ lơh chờ Katê tàm nam 2015 là ală bơta phan pa, mờ ală rùp bơka mờ ală bơta phan tàn mai geh bơh broă tàn mờ bơrnơ\ tàn ồi nàng rcang wa\ rò năc lòt nhơl tàm dơ\ lơh chờ Katê nam 2015. Năc lòt còp tàm [òn Mỹ Nghiệp gal ngan den tàng anih lơh broă bơh bol a` dê rcang tơl ngan tàm dơ\ lơh chờ Katê nam 2015 do”.

Tàm [òn lơh phan bơh ù buh Prum Bàu Trúc, ală cau chài gam jal mhar lơh gơlik phan, mờ ală bơta phan pa nàng rcang wa\ rò dơ\ lơh chờ Katê ờs mờng bơh yau bơh cau Prum dê. Tu\ do, bòn lơh broă phan geh bơh ù buh Prum Bàu Trúc geh rlau 200 hìu lơh phan bơh ù buh ờs mờng bơh yau, geh rlau 1000 nă cau lơh broă. Bal mờ ală phan bơna ờs mờng bơh yau geh làng bol kờn ngan, bè: rùp mòn hìu kuơ\ gơlang Prum, rùp mòn ùr yàng Apsara, ală cau chài gam mòn gơs ală rùp bơka, rùp wa\c sềr, rùp să ja`, rơndăp tăp sèng tàm ală phan lơh bơh ù buh sền niam măt rlau. Mò Đàng Thị Phan cau chài lơh phan bơh ù buh Prum Bàu Trúc, ntum Phước Dân, kơnhoàl Ninh Phước, càr Ninh Thuận, đơs: “Kơ\p kờn tàm dơ\ lơh chờ Katê pah nam bơh he dê, tàm [òn bol a` lơh bè lơi nàng gơrề geh tus tiah ngài nàng bơtàu tơnguh. Dilah phan he mìng tàm lơgar gi\t lơm gời den lơgar ndai cau ờ hềt gi\t, den he lơh bè lơi nàng broă buh, tho bơ`à, rùp bơka nàng năc lòt nhơl tus sền tài bơh lơgar ndai cau kờn phan lơh bơh tê uă rlau”.

Mpồl lơh sa bal phan lơh bơh ù buh Prum Bàu Trúc neh rcang uă phan bơna drơng jơnau kờn blơi phan bơh năc lòt nhơl dê tàm dơ\ lơh chờ Katê. Tàm hơ\, geh ală bơta phan pa, ngui nàng bơka niam tàm hìu, bè: gri bơkàu, 12 nơm phan tàm nam, gri sền gi\t ù tiah niam, rùp mòn bơka tàm hìu mờ ală phan ngui tàm rài kis ờs mờng pah ngai. Tu\ do, làng bol tàm mpồl lơh sa bal do gam jal mhar lơh jơh ală bơta phan mờ phan geh lơh pa niam ngan nàng tăc mờ năc lòt nhơl in. Bi Trần Ngọc Minh Hoàng là dùl nă năc lòt nhơl tus bơh {òn dờng Hồ Chí Minh kờn ngan mờ yal bè do: “Tus còp tàm do oh gơlơh kờn ngan là Hìu kuơ\ gơlang, tềng hơđang bồ hìu kuơ\ gơlang Prum nàng lơh gơs den là kal ke ngan mờ geh uă ngan phan bơka, bơh hơ\ gơtùi sền go\ là cau Prum khi chài ngan, jak ngan, tài bơh do là ală phan ngui pa lơh mơya khi neh lơh gơs hìu kuơ\ gơlang bal mờ uă ngan rùp bơka kal ke ngan bè hơ\, oh gơlơh sền go\ niam ngan mờ bơta chài rơgơi bơh khi dê là li la ngan. Dơ\ lòt nhơl do niam ngan mờ kờn ngan mờ bơta chài rơgơi Prum oh kah uă ngan sùm tàm bồ tơngoh”.

Chờ wa\ rò dơ\ lơh chờ Katê nam do, làng bol tàm ală [òn lơh broă ờs mờng bơh yau Prum Ninh Thuận sơlơ chờ hờp rlau tu\ rài kis ngai sơlơ bơtàu tơnguh rlau, broă lơh sa geh niam sùm. Mờ gơ wèt mờ khi, drơng năc lòt nhơl in tàm dơ\ lơh chờ Katê ờ mìng là bơta chờ hờp mờ do gam là tu\ niam nàng làng bol yal tơngi\t ală bơta chài rơgơi ờs mờng bơh yau bơh [òn Prum dê tàm ală tu\ bơ\t bơtàu [òn lơgar pa.

Cau cih mờ yal tơngi\t- Lơ Mu K’ Yến