VOV4.K’ho - Tàm dơ\  lơh broa\  tus còp lơgar Việt Nam, tu\ 12 jiơ ngai òr (24/5), ồng Barack Obama kuang atbồ lơgar Mỹ neh geh jơnau đơs bè bơta git gơp bơh Việt Nam mờ Mỹ tàm anih tờm pơrjum  dà lơgar Hà Nội. Tàm jơnau đơs,  ồng Obama  geh đơs tờm ngan  bè ala\ broa\ lơh  gơguh niam tàm git gơp bơh 2 lơgar, mơ kung geh đơs loh ala\ geh gùng tam klac lơh broa\  tơnơ\ do in, bè: Đơs tờm nhai hàm nam do Hìu bơsram dờng Fullbright geh mut  lơh broa\ tàm lơgar Việt Nam, kơp kờ` pơnjat tai geh tam lơh broa\ bal  bơh ala\ mpồl lơh sa ka\ bro cau kơnòm sa\ Việt Nam-Mỹ mờ broa\ geh mut bal tàm TPP. Bal mờ hơ\,  ồng Obama  kung geh đơs  tus ala\ bơta krơi is gam gơ bàn bơh Việt Nam mờ Mỹ. Đơs bè broa\ lơh dơ\ tus còp Việt Nam dơ\ do, ồng Obama đơs tờm: “Tơnggu me bơh dơ\ tus còp dơ\ do la bol he geh lơh geh bơrnàng  slơ ngai slơ kơljap rlau tus bơta git gơp  2 lơgar  tàm nđờ jơt nam  tus. Bol he neh  roh ua\ nam ngan nàng lơh ngan git gơp niam wơl. Bol a` kờ` đơs dùl bơta mờ bol  a` sơnơng ờ gơlik lài do, la tu\ do, 2 lơgar neh gơ gơs gơp bơyô, cau lơh broa\ bal. A` pin la,  ala\ jơnau bơsram tàm rài tam lơh geh la jơnau bơsram tus bal  jơh mờ dunia. Geh ala\ dơ\ tam lơh gơ lơh bè ờ tơnjơh, ờ bơsong geh den tu\ do git gơp bơh bol eh geh ai go\ gơtùi lơh geh bơta  tam gơl nàng rnàng tơnơ\ do niam rlau. Ngap lơngai tu\ lơi kung niam rlau mờ tam lơh. Mờ bơta gơguh jak,  ala\ bơta kuơ niam bơh kòn bơnus kờ` geh brồ guh ờ di la tam  lơh hala tam gơ jra`. Do la bơta mờ 2 lơgar neh  sơndio jơh dunia in go\. Việt Nam la dùl lơgar geh gơnoar tờm ngap lơngai is mờ ờ  geh  lơgar lơi ndai gơ tùi bơklơn jơnau sơnơng bơh cau Việt Nam. Ngao lơngai is,  geh gơnoar tờm is hơ\ bơh làng bol Việt Nam la cau tờm. Mỹ sền gròi ngan tus bơta geh cồng nha bơh dà lơgar Việt Nam”.

          Cau  cih mờ yal tơnggit K’ Brọp