VOV4.K’ho - Gùl ngai ngai òr (23/5),  ồng Barack Obama kuang atbồ lơgar Mỹ neh tìp mò Nguyễn Thị Kim Ngân kuang atbồ  Gơnoar ala mat dà lơgar Việt Nam tềng hìu mpàn hờ đang bơh Bác Hồ dê.

            2 gah geh di nùs bal ngan bè ala\ bơta geh lơh niam mờ geh cồng nha kuơ màng lơh geh tàm tơngai tus bơh git gơp Việt Nam - Mỹ, ngan la tơnơ\ dơ\ tus còp ngan ngồn lơgar Mỹ bơh ồng Nguyễn Phú Trọng  kuang atbồ đơng lam Đảng lơgar Việt Nam nhai 2/2015. 2 gah kơp kờ` bơta git gơp Gơnoar ala mat  2 lơgar geh pơnjat tai geh tơngguh, cèng wơl bơta kuơ ngan ngồn  làng bol 2 lơgar mờ pơ gồp bal chul chồl bơtàu tơngguh bal bơh git gơp 2 lơgar. Mò Nguyễn Thị Kim Ngân kung geh jơnau đơs mờ lơgar Mỹ dong tơl bơta  bươn boài rlau tai ai tus phan bơna Việt Nam geh mut tàm drà ka\ bro lơgar Mỹ, gờ` geh ala\ broa\  lơh dong kờl Việt Nam geh tam dra\ geh cồng nha tam gơl trồ tiah mờ tơngguh broa\ lơh dong kờl dong Việt Nam geh lơh niam wơl bơh rài tam lơh, ngan la dong cau gơbàn aniai sơnơm khih đioxin. Mò Nguyễn Thị Kim Ngân neh jà ồng Obama còp   hìu mpàn  hơđang mờ tơnau ròng ka Bác Hồ dê.

                   Cau cih mờ yal tơnggit K’ Brọp