VOV4.K’ho - Ồng Benjamin Netanyahu kuang gơs gơnap gơnuar atbồ hơđăng rlao jơh lơgar Israel tus còp lơgar Mỹ jat jơnau jà bơh ồng John Boehner kuang atbồ gơnuar ala mat kơnă bòn lơgar dà lơgar Mỹ. Kờp du\ lài, ồng Netanyahu geh jơnau đơs tềng đăp gơnuar ala mat dà lơgar Mỹ 1 tơngume geh gơ rềng tus broă lơh hạt nhân lơgar Iran dê. Dơ\ tus còp lơgar Mỹ dờp geh uă jơnau đơs lah bơh ală kuang bàng tàm gơnuar atbồ lơgar Mỹ. Mò Susan Rice kuang dong broă sền gàr ngap lơngai dà lơgar bơh kuang atbồ lơgar Mỹ dê neh đơs lah pràn ngan broă ồng Netanyahu geh jơnau đơs tềng đăp gơnuar ala mat dà lơgar Mỹ bè dơ\ cribơyai bơh gơnuar atbồ lơgar Mỹ lam bồ mờ Iran bè bơta hạt nhân. Mò đơs la, kơrnuat hơ\ neh lơh gơbàn tam cah gah mpồl tàm bơta git gơp đah Mỹ mờ Irsael.