VOV4.K’ho - Ngai òr 21/02, ồng Cao Đức Phát kuang atbồ Gah Lơh broă sa mờ bơtàu tơnguh [òn lơgar dà lơgar neh lòt sền mờ đơng lam broă lơh rơcang sơndră trồ prang soăt dà tàm càr Bình Thuận.

Ồng Cao Đức Phát neh đơs niam ngan broă lơh rơcang lài rơcang sơndră trồ prang soăt dà tàm tơngai lài bơh càr Bình Thuận dê. Jat đơs lài, tàm tơngai tus, jơnau El Nino pơn jat tai gơbàn kal ke ngan, Bình Thuận là dùl tàm ală tiah ko\ng bơta aniai uă ngan. Sền tàm dà ơn pơdơng geh, ồng Cao Đức Phát sồr càr Bình Thuận ngui pal tềm pềr ngan, mơkung tam gơl pràn kơldang rơndăp tăp sèng chi tam, ngan là tơrmù bă ù lơh kòi. Ồng Cao Đức Phát kung ring bal mờ ală jơnau dan bơh càr Bình Thuận dê, bè: dan mờ Kuang gơs gơnăp gơnoar atbồ hơđang rlau jơh dà lơgar dong kờl càr in rlau 106 tơmàn priă nàng bơsong niam wơl bơta trồ prang soăt dà lơh aniai, (tàm hơ\ geh: gar sơntìl nàng lơh sa wơl, priă ai pà dà ngui sa làng bol in, tuah wàs rbòng dà, lơh niam wơl bơtơ\t rbòng dà tàm kàl mrềt prang mờ ală broă lơh tam dră mờ trồ prang soăt dà kàl prang nam 2016).

Cau cih mờ yal tơngi\t- Lơ Mu K’ Yến