VOV4.K’ho – Tàm ngai lơh broă dơ\ 3, ngai 7/5, Ban Chấp hành Đảng Dà lơgar lơh broă tàm Hìu pơrjum nàng sền sơ wì mờ geh broă lơh glài gơ wèt tus mờ ồng Đinh La Thăng, Ủy viên Bộ Chính trị, Bí thư Thành ủy [òn dờng Hồ Chí Minh, lài do là Bí thư Đảng ủy, Kuang atbồ Mpồl duh broă gơ wèt bal Tập đoàn Nhơm zờu dà lơgar Việt Nam. Ban Chấp hành Đảng Dà lơgar sền go\: Ồng Đinh La Thăng, bulah geh ală tu\ lơh broă mờr 35 nam, geh ală tă pơ gồp bơnah ngan ngồn tus Tập đoàn Nhơm zờu dà lơgar Việt Nam, mờ ală anih lơh broă, mpồl cau bơh ồng at gơnoar broă Kuang đơng lam bồ, mơya tàm gơnoar broă Bí thư Đảng ủy, Kuang atbồ Mpồl duh broă gơ wèt bal Tập đoàn Nhơm zờu dà lơgar Việt Nam tơngai bơh nam 2009- 2011, ồng neh lơh ală broă lơh tìs, lơh tìs uă ngan tàm broă đơng lam atbồ mờ broă lơh kuang bàng, gơrềng ờ niam tus bơngă bơh cấp uỷ, mpồl đảng mờ cau dùl nă să is dê, lơh gơlik bơta ờ suk tàm kuang bàng, cau geh Đảng mờ làng bol tus tu\ pal gơtìp lơh glài bơto tơngkah jat di jơnau sồr bơh Đảng dê. Tơnơ\ tu\ sền sơ wì tơl làm, song niam, kơlôi sơnơng nền uă bơta, Ban Chấp hành Đảng Dà lơgar neh geh kơrnoat lơh glài ồng Đinh La Thăng bơh broă lơh bơto tơngkah mờ ai tơn jơh at gơnoar broă Ủy viên Bộ Chính trị kơnă XII.

Cau cih mờ yal tơngi\t- Lơ Mu K’ Yến