VOV4.K’ho - Ngai òr 11/03, ồng Đinh La Thăng kuang atbồ gah gùng lòt mờ pơn diang phan dà lơgar bal mờ mpồl kuang bàng tàm gah lơh broă do neh tus sền broă lơh rơndăp broă lơh niam, pờ ơnàng gùng mù mờ par tàm [làng rơndeh par Pleiku mờ rơndăp broă lơh gùng Hồ Chí Minh lòt gan Tây Nguyên. Sền broă lơh rơndăp broă lơh niam wơl, pờ ơnàng gùng mù mờ par tàm [làng rơndeh par Pleiku, ồng Đinh La Thăng đơs niam broă lơh ngan bơh anih tòm bơcri priă lơh, ală mpồl lơh mờ gơnoar atbồ càr tàm broă pơgồp bal lơh jăt rơndăp broă. Bu\ lah bè hơ\, ồng kung sồr ală gah gơrềng bal pal pơgồp bal geh cồng nha rơlao, lơh ngan tu\ trồ tiah niam chồl mhar rơndăp broă lơh. Bơh tàm broă tus sền mùl màl rơndăp broă lơh gùng Hồ Chí Minh lòt gan Tây Nguyên, ồng Đinh La Thăng sồr, ală mpồl lơh gùng pal lơh ngan, tài kàl mìu mờr tus. Ală mpồl lơh gùng pal chồl mhar broă lơh kờ` di tu\ lơh gơs, dă cài jơh tàm nhai 5 tus. Bơdìh hơ\ tai, ală mpồl sền gàr rơndăp broă lơh gùng pal tơnguh broă sền gròi, sền wơl mờ đơng lam mpồl lơh gùng lơh wơl mơ tàm ală gơl gùng ờ tơl kơl jăp, ba` lời tus tu\ gơtìp tơrlah gùng hơ\ sồng lơh.