VOV4.K’ho - Di tơnkah 60 nam ngai cau lơh sơnơm Việt Nam (27/2), mho òr, ồng Đinh Thế Huynh kuang atbồ gah bơto pơlam gùng dà broă lơh dà lơgar neh tus còp mờ chờ gờm ală kuang bàng đơng lam Gah lơh sơnơm dà lơgar. Ala măt mpồl đơng lam Đảng dà lơgar mờ kuang bàng đơng lam gah bơto pơlam gùng dà broă lơh dà lơgar, ồng Đinh Thế Huynh neh chờ gờm Gah lơh sơnơm neh geh ală cồng nha pơnyờ să ngan tàm ală nam do. Ồng Đinh Thế Huynh kơ\p kờ` là, gùt Gah lơh sơơm lơh jăt nền nòn ală bơta mờ kơnòl mờ Đảng bal mờ Dà lơgar jàu, sùm lơh niam broă bơto bơtê gùng dră bal nùs nhơm, lơh tơl nă kuang bàng, cau lơh broă sùm geh nùs nhơm gùng dră bal kơl jăp, tơnguh nùs nhơm lơh is, tơmù ală kal ke, lơh gơs kơnòl tòm là sền gàr mờ tơnguh bơta pràn kơl dang să jan làng bol in, lơh jăt niam jơnau bơto sồr Bác Hồ dê kờ` mùl màl là ală cau lơh sơnơm geh nùs nhơm niam, jăk chài, di pal mờ broă pơn jờng bơh mpồl bơtiàn dê.