VOV4.K’ho - Dờp jơnau jà bơh ồng John kerry, kuang atbồ gah cri broă lơh bal mờ lơgar ndai lơgar Mỹ, ồng Đinh Thế Huynh, kuang duh broă sùm tàm mpồl duh broă Đảng dà lơgar neh tus còp lơgar Mỹ bơh ngai 24 tus ngai 30 nhai 10. Tàm càr lơgar Washington, ồng Đinh Thế Huynh neh geh dơ\ cri bơyai mờ ồng John Kerry. Ồng Đinh Thế Huynh đơs, gùng dà broă lơh bơh Đảng mờ Dà lơgar Việt Nam dê là sền kuơ broă lơh bal gơ\p gơ\p, lơh bơyô bal mờ lơgar Mỹ jăt broă lơh bal tơl mờ ală bơta bè neh ai tàm tiơngu me g^t jơnau bal tus mờ bơta krơi is, lơh tòm, tơrgùm bal ù tiah dà lơgar, kơrnoăt gùng dră bal, gùng dà tơnguh bơtàu mờ ờ sơmòm tàm broă lơh is bơh tơl lơgar dê, rơhời bơ\t bơtàu mờ tơnguh nùs nhơm pin dờn kờ` ai broă lơh bal bơh lơgar Việt Nam mờ lơgar Mỹ tơnguh bơtàu niam, mùl màl, jo\ jòng, kơl jăp jăt nùs nhơm lời wơl rài lài do, sơlèt mờ bơta ờ ndrờm bal, tơnguh broă ndrờm bal, wèt tus rài tơnơ\ do; di pal mờ bơta kuơ bơh làng bol 2 lơgar, pơgồp bal tàm broă tơnguh bơta lơngăp lơngai, ring niam mờ lơh broă bal tàm tiah do mờ tàm dunia. Ồng John Kerry kung đơs, lơgar Mỹ geh pơn jăt tai chồl pràn broă “Lơh ndrờm bal” tàm châu Á –Thái Bình Dương, sền kuơ broă lơh bal mờ mpồl ASEAN, sền lơgar Việt Nam là 1 lơgar lơh broă bal kuơ màng tàm tiah do, hơ geh tơnguh broă lơh bal mờ lơh ngan chồl pràn lơh ală jơnau hơ mờ lơgar Việt Nam.

                                                                      Cau cih mờ yal tơng^t Ndong Brawl