VOV4.K’ho – Mho òr 2/6, tàm Hìu duh broă Đảng Dà lơgar dê, ồng Đinh Thế Huynh kuang geh jơng Gah Gùng dră bal dà lơgar, lơh broă sùm tàm Mpồl đơng lam Đảng dà lơgar wa\ ồng Hiroshi Fukuda kuang atbồ Anih lơh broă ala mat lơgar Nhờk tàm lơgar Việt Nam.

Tàm dơ\ wa\, ồng Đinh Thế Huynh đơs tờm, Việt Nam sền lơgar Nhờk là lơgar lơh broă bal dờng màng khà dùl mờ jo\ jòng; tơlik nùs nhơm chờ hờp bè bơta bơtàu tơnguh tơl làm mờ geh kuơ ngan ngồn bơh bơta gi\t gơ\p bàr lơgar dê, đơs niam ngan cồng nha dong kờl priă jền ngan ngồn (ODA) mờ tam klac lơh broă bal bơh lơgar Nhờk dê mờ Việt Nam tàm tơngai lài. Ồng Đinh Thế Huynh kơ\p kờn, bàr gah lơh ngan mu\t lơh geh cồng nha ală jơnau ring bal đah kuang bàng đơng lam dờng màng bơh bàr lơgar dê, ngan là tàm dơ\ lòt còp ngan ngồn lơgar Nhờk bơh ồng Nguyễn Phú Trọng kuang atbồ đơng lam Đảng dà lơgar dê tàm nhai 9 nam 2015, sơlơ tơnguh tai bơta pin dờn gùng dră bal bơh broă lơh sùm ală dơ\ lòt còp mờ tìp mat đah kuang bàng dờng màng, tơnguh jơnhoa cồng nha ală gùng dà broă lơh tam klac lơh broă bal đah bàr lơgar mờ chul chồl tàm tơrbo\ bal bàr rài lơh sa, sơlơ pơgồp bal tai tàm ală dơ\ cribơyai tàm tiah do mờ tàm dunia tài bơta ring lơngai, kơ\ kơl jăp, tam klac bal mờ bơtàu tơnguh tàm tiah do mờ tàm dunia.

Cau cih mờ yal tơngi\t- Lơ Mu K’ Yến