VOV4.K’ho – Mho òr 01/03, tàm Hìu duh broă Đảng Dà lơgar dê, ồng Đinh Thế Huynh kuang geh jơng Gah Gùng dră bal dà lơgar mơkung là Kuang bàng duh broă sùm tàm Mpồl đơng lam Đảng dà lơgar neh wa\ rò rềp mềl ồng Jean Charles Nefgre kuang lơh broă pơgồp bal broă lơh bơh Mpồl lơh broă sùm Đảng Cộng sản lơgar Tây di dơ\ lòt còp mờ lơh broă tàm Việt Nam.

Ala mat kuang đơng lam Đảng, ồng Đinh Thế Huynh neh yal bàr pe cồng nha dờng bơh Pơrjum dờng dơ\ XII bơh Đảng dê kung bè bàr pe gùng dà broă lơh dờng tàm broă lơh Tam gơl pa, bơtàu tơnguh lơh sa- mpồl bơtiàn mờ mu\t gơrờm bal mờ dunia bơh Việt Nam dê tàm tơngai tus. Di tàm dơ\ do, ồng Đinh Thế Huynh neh pơyua jơnau ưn ngài tus mờ Mpồl đơng lam Đảng Cộng sản lơgar Tây mờ ồng Pierre Laurent kuang atbồ đơng lam Đảng Cộng sản lơgar Tây neh geh sră pơyua gờm chờ Pơrjum dờng dơ\ XII bơh Đảng Cộng sản Việt Nam dê mờ gờm chờ ồng Nguyễn Phú Trọng geh pồ lơh tai Kuang atbồ đơng lam Đảng dà lơgar Việt Nam. Ồng Đinh Thế Huynh kung geh jơnau đơs pin dờn là, bơta gi\t gơ\p ờs mờng bơh yau, lơh bơyô bal mờ tam klac lơh broă bal uă broă đah 2 Đảng tàm ală nam do geh pơn jat tai bơtàu tơnguh ngai sơlơ niam rlau tai. Bàr nă kuang bàng do neh cribơyai uă bơta tàm bơta gi\t gơ\p đah bàr Đảng mờ 2 lơgar. Kung di tàm dơ\ do, ồng Jean Charles Nefgre neh pơyua jơnau jà mpồl kuang bàng ala mat Đảng he dê tus bal Pơrjum dơ\ 37 bơh Đảng Cộng sản lơgar Tây dê, rơcang lơh tàm nhai 6 tus do.

Cau cih mờ yal tơngi\t- Lơ Mu K’ Yến