VOV4.K’ho – Drim òr 11/4, tàm Hà Nội, Mpồl lơh sa dà lơgar bơyai lơh pơrjum mu\t lơh Kơrnoat bơh Gah Gùng dră bal dà lơgar dê bè broă lơh kuang bàng. Đơs tàm dơ\ pơrjum, ala mat Gah Gùng dră bal dà lơgar, ồng Đinh Thế Huynh chờ gờm ồng Vương Đình Huệ kuang geh jơng Gah Gùng dră bal dà lơgar at gơnoar broă Kuang jat jơng gơs gơnăp gơnoar atbồ hơđang rlau jơh dà lơgar; ồng Nguyễn Văn Bình kuang geh jơng Gah gùng dră bal dà lơgar at gơnoar broă Kuang atbồ Mpồl lơh sa dà lơgar. Mơkung đơs tờm, pơrjum dơ\ dùl Mpồl duh broă đơng lam Đảng dà lơgar kơnă XII neh pơrjum mờ pồ dùl dơ\ tơl 19 nă kuang bàng geh jơng tàm Gah Gùng dră bal dà lơgar jat di gùng dà broă lơh kuang bàng Mpồl duh broă đơng lam Đảng dà lơgar kơnă XII dê. Pa do, Gah Gùng dră bal dà lơgar neh pơrjum, cribơyai mờ ring bal uă ngan jàu kơ nòl mờ yal tơngi\t nàng Gơnoar ala mat dà lơgar in ring bal pồ ồng Vương Đình Huệ at gơnoar broă Kuang jat jơng gơs gơnăp gơnoar atbồ hơđang rlau jơh dà lơgar; jàu kơ nòl ồng Nguyễn Văn Bình lơh gơnoar broă Kuang atbồ Mpồl lơh sa dà lơgar.

Cau cih mờ yal tơngi\t- Lơ Mu K’ Yến