VOV4.K’ho - Mho ngai òr (3/6),  tàm Hìu lơh broa\ Gơnoar ala mat dà lơgar,  ồng Đỗ Bá Tỵ kuang jat jơng atbồ Gơnoar ala mat dà lơgar neh  tìp kuang ala mat ala\ gah tàm dà lềng,  atbồ ala\ kơnhoàl bồt Trường Sa, Hoàng Sa, Lý Sơn mờ ala\ cau ling yau pơnrơ ngan tàm gùt lơgar tus hờ càr lơgar Hà Nội tus bal broa\ lơh  “dà lơgar sền bơh dà lềng”.

            Gờm chờ Mpồl tus còp càr lơgar Hà Nội mờ tus bal broa\ lơh “Dà lơgar sền bơh dà lềng”, ồng Đỗ Bá Tỵ đơs tờm, tàm tu\ dunia,  ala\ lơgar rềp bal mờ dà lềng đah mat tơngai lik geh ua\ gơbàn kal ke, Đảng, Dà lơgar sùm geh đơs tờm,  gơnoar tờm tơl làm ù tiah dà lơgar, tàm hơ\ geh ala\ tiah  dà lềng, bồt kuơ màng, ờ gơtùi tus sơ gràm. Làng bol Việt Nam  kràn ngan, lơh ngan sùm ntàu tam lơh sền gàr kơljap ngap lơngai, gơnoar tờm, trơ gùm dùl mờ tơl làm ù tiah dà lơgar. Nàng sền gàr dà lềng, bồt dà lềng, lơh di bơta kờ`, broa\ lơh tàm rài pa. Ồng Đỗ Bá Tỵ sồr ala\  mpồl tàm dà lềng  kờ` sùm pal  git ngan jơnau,  geh dong broa\, geh tơlik  broa\ bơsong mo di pal,  di ngan,  ba` lời neh gơbàn hơ\ sồng git, nisơna tàm tơl gơlik geh,  lơh kràn ntàu tam lơh mờ ala\ broa\ lơh ngap lơngai tàm ai bơh adat boh lam dunia. Ồng Đỗ Bá Tỵ tơng kah ala\ anih lơh broa\,  gah lơh broa\ dà lơgar mờ [òn lơgar pơnjat tai geh sền gròi, geh ua\ broa\ lơh nàng bơtàu tơngguh rài kis bơh cau lơh ka mờ ala\ cau kuang, cau ling tiah  bồt dà lềng, bơtàu tơngguh lơh sa bồt dà lềng,  ai dà lơgar gơs dà lơgar pràn bè dà lềng, pas bơh dà lềng.

                        Cau cih mờ yal tơnggit K’ Brọp