VOV4.K’ho – Mho òr, 11/5, mpồl lơh broă bơh anih duh broă sùm gơnoar ala mat dà lơgar, mpồl duh broă te\ khà dà lơgar bơh ồng Đỗ Bá Tỵ kuang jat jơng atbồ gơnoar ala mat dà lơgar lơh kuang atbồ mpồl neh tus càr Khánh Hoà mut lơh sền gròi, sền sơwì broă lơh te\ khà kuang bàng gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021.

Tus tu\ do, càr Khánh Hoà neh rơcang niam broă lơh te\ khà gơnoar ala mat dà lơgar kơnă 14 mờ mpồl duh broă ala mat làng bol ală kơnă, tơngai lơh broă bơh nam 2016 tus nam 2021. Anih duh broă te\ khà càr neh đơng lam anih duh broă te\ khà kơnhoàl Trường Sa rơcang phan bơna nàng bơyai lơh te\ khà gờ` tàm ală ntum, [òn drà bồt di kơnhoàl Trường Sa. Tàm dơ\ lơh broă, ồng Đỗ Bá Tỵ đơs niam cồng nha broă rơcang bơyai lơh te\ khà bơh càr Khánh Hoà dê. Mơkung sồr càr tơrgùm kờp sền jơh broă rơcang lài, pơnjat tai dong kờl nàng ală cau tơlik mat te\ khà geh tìp mat cau te\ khà; chồl pràn broă mblàng yal, lam sồr cau te\ khà tus bal te\ khà tơl làm.

                        Cau cih mờ yal tơngit K’ Duẩn.