VOV4.K’ho – Pơnjat tai dơ\ lơh broă tàm càr Khánh Hoà, drim òr, 12/5, mpồl lơh broă bơh anih duh broă sùm gơnoar ala mat dà lơgar, mpồl duh broă te\ khà dà lơgar bơh ồng Đỗ Bá Tỵ kuang jat jơng atbồ gơnoar ala mat dà lơgar lơh kuang atbồ mpồl neh tus còp mờ lòt sền broă rơcang bơyai lơh te\ khà tàm kơnhoàl Trường Sa mờ ling dà lềng tiah 4. Tus tu\ do, broă rơcang bơyai lơh te\ khà tàm kơnhoàl Trường Sa mờ ling dà lềng tiah 4 neh lơh jơh. Ling dà lềng tiah 4 neh crơng gơs 4 mpồl te\ khà. Gơwèt mờ kơnhoàl bồt Trường Sa, geh 24 mpồl te\ khà, tàm hơ\ mpồl ală bồt geh 21 mpồl di [òn drà Trường Sa mờ 2 ntum Song Tử Tây, Sinh Tồn. Thùng ơn sră đùh, sră pồ, mat cau te\ khà.. neh geh jun tus ală bồt dùl bă ờ do ờ dă. Jat rơndap broă, ngai 15/5, mpồl ală bồt geh bơyai lơh te\ khà gờ`. Đơs tàm dơ\ lơh broă, ồng Đỗ Bá Tỵ sồr kơnhoàl pơnjat tai mblàng kơrnuat sồr bơh ală kơnă dê bè broă rơcang te\ khà, kờp sền wơl jơh broă rơcang te\ khà, sền ală bơta lơi gam kòl yan nàng di tu\ bơ song, ngan là ală anih te\ khà tàm Trường Sa, mblàng yal, lam sồr cau te\ khà lòt đùh sră tơl làm, di mờ jơnau sồr, gàr kơ\ ngap lơngai gùng dră bal, ờ do ờ dă mpồl bơtiàn, gàr tơl niam lài mờ tu\, tàm tu\ mờ tơ nơ\ mờ tu\ te\ khà.

                     Cau cih mờ yal tơngit K’ Duẩn.