VOV4.K’ho – Mho òr 7/6, tàm Hìu Gơnoar ala mat dà lơgar dê, ồng Đỗ Bá Tỵ kuang jat jơng atbồ Gơnoar ala mat dà lơgar wa\ rò mpồl cau ala mat cau geh màng mờ dà lơgar mờ cau gơtìp sơnơm khih dioxin lơh aniai càr Quảng Nam di dơ\ mpồl lòt còp càr lơgar Hà Nội.

Tàm dơ\ wa\, đềt mềr còp să mờ iat kơno jơnau đơs bơh ală cau tàm mpồl dê, ồng Đỗ Bá Tỵ đơs tờm: Đảng, Dà lơgar, mờ Gơnoar ala mat dà lơgar sùm đơs niam ngan mờ cih kah dà kơlhề, bơta phi să, tă pơgồp dờng ngan bơh Mpồl Đảng, gơnoar atbồ mờ làng bol càr Quảng Nam dê tàm ală dơ\ tam lơh lài do kung bè broă lơh bơ\t bơtàu mờ sền gàr Dà lơgar tu\ do. Ồng Đỗ Bá Tỵ đơs tờm: tàm ală nam do, Đảng, Dà lơgar sùm sền gròi tus gùng dà broă lơh gơwèt tus mờ cau geh màng mờ dà lơgar đơs bal mờ cau gơtìp sơnơm khih dioxin lơh aniai đơs is. Mơya, broă mu\t lơh gùng dà broă lơh, kơrnoat boh lam gam uă bơta kòl yan kal ke tàm ală tu\ mu\t lơh, lơh uă cau gơtìp aniai neh chơ\t lài mờ tu\ dờp geh bơta dong kờl bơh dà lơgar dê. Ồng sồr: Tơngai tus, ală Gah, sơnah lơh broă dà lơgar pơn jat tai mu\t lơh dùl ròt bal ală gùng dà broă lơh gơwèt tus mờ cau geh màng mờ dà lơgar mờ cau gơtìp sơnơm khih dioxin lơh aniai; kờp sền gi\t nền khà cau tàm mpồl cau geh dờp bơta dong kờl bơh dà lơgar dê; kờp sền ală jơnau sồr bè lơh sră nggal nàng cau geh màng mờ dà lơgar mờ cau gơtìp sơnơm khih dioxin lơh aniai gờn geh dờp bơta dong kờl bơh dà lơgar dê.

Cau cih mờ yal tơngi\t- Lơ Mu K’ Yến