VOV4.K’ho - Mho òr (05/4), Gơnoar ala măt dà lơgar neh pờ tê ring bal khà măt bal mờ đùh sră pồ groăt Kuang atbồ mpồl duh broă kòn cau, 5 nă kuang atbồ anih duh broă Gơnoar ala măt dà lơgar mờ Gơnoar atbồ gah kờp sền mờ ngui dơ\ priă jền dà lơgar.

Cồng nha geh, ồng Hà Ngọc Chiến, kuang jăt jơng atbồ mpồl duh broă kòn cau geh Gơnoar ala măt dà lơgar pồ lơh kuang abồ mpồl duh broă kòn cau. Thượng tướng Võ Trọng Việt, kuang jăt jơng atbồ Gah sền gàr dà lơgar geh pồ lơh kuang atbồ Anih duh broă sền gàr bơta lơngăp lơngai dà lơgar. Ồng Nguyễn Đức Hải, kuang jăt jơng atbồ Anih duh broă sền gròi dà lơgar geh pồ lơh kuang atbồ Anih duh broă priă jền-kes priă dà lơgar. Mò Lê Thị Nga, kuang jăt jơng atbồ Anih duh broă adăt boh lam geh pồ lơh kuang atbồ Anih duh broă adăt boh lam. Mò Nguyễn Thuý Anh, kuang jăt jơng atbồ Anih duh broă bè ală bơta mpồl bơtiàn geh pồ lơh kuang atbồ Anih duh broă bè ală bơta mpồl bơtiàn. Mò Nguyễn Thanh Hải, kuang jăt jơng atbồ Anih duh broă chài rơgơi, bơto bơtê, ơruh pơnu, kơnòm pa tào mờ kơnòm dềt geh pồ lơh kuang atbồ Anih duh broă chài rơgơi, bơto bơtê, ơruh pơnu, kơnòm pa tào mờ kơnòm dềt. Ồng Hồ Đức Phớc, kuang atbồ đơng lam Đảng càr Nghệ An geh pồ lơh kuang atbồ gah kờp sền mờ ngui dơ\ priă jền dà lơgar. Tơnơ\ mờ tu\ neh iăt cồng nha sền sră pồ, Gơnoar ala măt dà lơgar neh pờ tê ring bal kơrnoăt pồ Kuang atbồ gah kờp sền mờ ngui dơ\ priă jền dà lơgar, kơnroăt pồ Kuang atbồ mpồl duh broă kòn cau mờ 5 nă kuang atbồ Anih duh broă tàm Gơnoar ala măt dà lơgar.

       Cau cih mờ yal tơng^t Ndong Brawl