VOV4.K’ho - Drim òr (08/1), tàm Hà Nội, mpồl đơng lam Dà lơgar bè broă sơndră mờ rềs àr bơh trồ tiah neh bơyai lơh pơrjum tơn jơh broă đơng lam sơndră mờ rềs àr bơh trồ tiah nam 2015 mờ 5 nam bơh nam 2011 tus 2015, lơh jăt rơndăp broă lơh nam 2016 mờ gùng dà broă lơh bơh nam 2016 tus 2020.

Nam 2015, rềs àr bơh trồ tiah neh lơh 154 nă cau chơ\t, 127 nă cau sồt să, 1 rơbô 242 nơm hìu gơtìp tơrlah; rơlao 35 rơbô 200 nơm hìu gơtìp gơbam, gơpồ rơkàng; rơlao 445 rơbô lồ kòi mờ phan tam ờ jo\ tơngai gơtìp aniai, g^t nđờ tơl^k khối ù, lú gùng lòt, bơtơ\t rơbòng dà gơtìp tơrlah, gơbồr…, kờp khà hoàc huơr rơlao 8 rơbô 100 tơmàn priă. Tus tu\ do, Gơnoar atbồ lơgar neh dong kờl ală càr, [òn dờng mờ khà priă mờr 1 rơbô 570 tơmàn priă. Đơs tàm pơrjum, ồng Hoàng Trung Hải, kuang jăt jơng gơs gơnăp gơnoar atbồ hờ đang rơlao jơh dà lơgar neh đơs loh: tềng đăp mờ rềs àr bơh trồ tiah sơlơ ngai sơlơ kal ke ờ g^t lài mờ kal ke tàm broă yal lài, den tàng broă sơndră mờ rềs àr pal sùm wèt tus khà tơmù uă ngan hoàc huơr bè kòn bơnus bal mờ phan bơna làng bol in. Tơrgùm tơnguh bơta pràn sơndră mờ rềs àr tàm ală gah, mpồl lơh broă dà lơgar bal mờ ală càr, [òn dờng, tàm hơ\ kuơ màng ngan là pal sền wơl, mblàng ală bơta gơl^k geh kờ` bơ\t bơtàu rơndăp broă rơcang sơndră mờ ală bơta rềs àr bơh trồ tiah, mờ hòi jà bơta pràn tàm broă sơndră mờ rềs àr bơh trồ tiah.

       Cau cih mờ yal tơng^t Ndong Brawl