VOV4.K’ho – Mho òr, 28/9, Mpồl lơh broă bơh Gơnoar atbồ lơgar dê bơh ồng Hoàng Trung Hải kuang jat jơng gơs gơnap gơnoar atbồ hơđang rlau jơh dà lơgar lơh kuang atbồ mpồl neh lòt sền broă mut lơh ală rơndap broă bơh mpồl lơh sa dờng nhơm zờu Việt Nam, Mpồl lơh sa dờng ồs đèng Việt Nam, Mpồl lơh sa dờng mờ mai\ mok chah – phan kuơ tàm ù tàm kơnhoàl Thái Thuỵ, càr Thái Bình. Tàm ală anih tus sền, ồng Hoàng Trung Hải jờng rơ broă lơh ngan bơh mpồl kuang bàng, cau lơh broă gam lơh broă tàm ală anih kung bè bơta lơh bal nhap nhar, jơh nùs bơh Mpồl Đảng, gơnoar atbồ mờ làng bol càr Thái Bình. Ồng Hoàng Trung Hải sồr càr Thái Bình pơnjat tai dong kờl ală cau tờm bơcri priă mut lơh gàr niam, ngap lơngai, ờ do ờ dă, ai đèng, dà drơng cau lơh broă in sùm mờ tơl làm, mhar lơh gơs broă tơm priă ai ù ờ uă broă lơh gam wơl tài tam gơl jơnau bơceh lơh; mhar jàu cau tờm bơcri mut lơh in di mờ tơngai neh pơrgon.

                                                              Cau cih mờ yal tơngit K’ Duẩn.