VOV4.K’ho – Ngai òr 5-6, tàm [òn dờng Vĩnh Yên, càr Vĩnh Phúc, Gah phan geh is mờ tiah ơm kis dà lơgar, Mpồl cau lơh broă sa dà lơgar Việt Nam, Mpồl cau dờng sơnam dà lơgar Việt Nam mờ Anih duh broă làng bol càr Vĩnh Phúc pơgồp bal bơyai lơh tơrgùm să Dà lơgar lơh jat ngai tiah ơm kis dunia nam 2015. Mờ tơngume “Bal mờ gơp ngui sa geh kơnòl – Tài dùl plai ù kơ\ kơljap”, Ngai tiah ơm kis dunia nam do kờ` hòi jà kòn bơnus sền gàr te\ plai ù bơh tu\ do mờ ală broă lơh ngan ngồn tàm broă lơh sa, ngui sa, tài hơ\ là broă niam ngan rlau jơh kờ` gàr niam rơnàng tơnơ\ do bol he dê. Tàm dơ\ bơyai lơh, ồng Hoàng Trung Hải kuang jat jơng gơs gơnap gơnoar atbồ hơđang rlau jơh dà lơgar sồr ală kơnă gơnoar atbồ, ală gah, mpồl lơh broă, mpồl bal, mpồl gùng dră bal mpồl bơtiàn mờ làng bol tàm gùt lơgar geh te\ ală broă lơh ngan ngồn tus bal lơh jat ală broă lơh Ngai tiah ơm kis dunia đơs is mờ sơmbat tê bal sền gàr phan geh is, tiah ơm kis. Tàm hơ\ pal chồl pràn broă mblàng yal, tơnguh bơta git wă mpồl bơtiàn nàng tơnhàu, ngui phan geh is geh cồng nha.