VOV4.K’ho – Mho òr 14/01, Mpồl lơh sa dờng lơh sa mờ măy mok chah mờ phan kuơ tàm ù Việt Nam bơyai lơh pơrjum tơn jơh broă lơh nam 2015 mờ mu\t lơh kơnòl broă nam 2016. Ồng Hoàng Trung Hải kuang jat jơng gơs gơnăp gơnoar atbồ hơđang rlau jơh dà lơgar tus bal.

Ồng Hoàng Trung Hải cih dờp mờ đơs niam ngan ală cồng nha mờ gah lơh chah neh lơh geh tàm nam 2015. Ồng Hoàng Trung Hải đơs tờm, gah lơh chah là gah lơh broă kal ke ngan rlau jơh tàm ală gah lơh năng lượng. Kuơmàng, tàm nam 2015, gah lơh chah mờ càr Quảng Ninh ko\ng aniai uă ngan bơh dơ\ mìu dà ko\ dà cò dờng ngan rlau jơh bơh lài tus tu\ do. Mơya, bal mờ nùs nhơm geh kơnòl uă, dùl nùs bal, mpồl cau bơh mờr 117 rbô nă cau lơh broă gah lơh chah dê neh sơr lèt gan jơh ală kal ke, lơh gơs jak ngan kơnòl broă, mờ lơh geh jơnau kờn bơh drà kă bro dê, pơgồp bơnah tàm bơta gơguh tai lơh sa bơh gùt gah lơh sa mờ măy mok mờ broă lơh sa dê, là mpồl lơh sa kă bro tă pơgồp kuơmàng ai gơguh tai kờp jơh phan lơh geh tàm lơgar (GDP) mờ lơh sa mờ măy mok càr Quảng Ninh dê. Ồng Hoàng Trung Hải sồr gah lơh chah pơn jat tai lơh jat bơhiàn lơh broă geh kơnòl uă, dùl nùs bal, kờn lơh geh di tơngai pơrgon ală broă bơcri priă, tam gơl pa măy mok mờ mu\t lơh tềm pềr nàng tơrmù priă tă lơh mờ tơrmù priă lơh gơs phan.

Cau cih mờ yal tơngi\t- Lơ Mu K’ Yến