VOV4.K’ho – Drim òr 14/09, tàm Hà Nội, ồng Hoàng Trung Hải kuang jat jơng gơs gơnăp gơnoar atbồ hơđang rlau jơh dà lơgar đơng lam dơ\ pơrjum pờ tơn tàm internet ai jơnau bơsram mờng chài bè broă lơh rcang sơndră trồ tiah lơh aniai bơh bồ nam tus tu\ do mờ mu\t lơh kơnòl broă ală nhai lồi nam bơh Mpồl đơng lam dà lơgar bè rcang sơndră trồ tiah lơh aniai mờ Anih duh broă dà lơgar jòi sền dong kờl rềs àr. Yal tàm dơ\ pơrjum do ai go\, tàm 8 nhai do, trồ tiah lơh aniai neh lơh 98 nă cau chơ\t, 18 nă cau roh thi\t; pơgăp 200 rbô lồ kòi gơtìp prang dờng soăt dà lơh aniai, gi\t nđờ rbô lồ tơnau dà ròng tam phan tàm dà gơtìp hoàc hươr…kờp jơh hoàc hươr bè phan bơna kờp du\ là pơgăp 5.465 tơmàn (ờ hềt kờp bơta hoàc hươr bơh trồ prang soăt dà lơh aniai). Bơh bơta geh ngan rcang sơndră trồ tiah lơh aniai, ală kuang bàng sồr sơlơ lơh uă tai broă lơh yal tơngi\t lài bơta gơbàn bơh mìu dà ko\ dà cò, trồ tiah lơh aniai tàm ală anih yal tơngi\t jơnau mpồl bơtiàn, nàng ală gah sơnah lơh broă mờ làng bol in gi\t rcang lài mờ pleh. Geh broă rơndăp lơh, lam tàp ală jơnau digơlan gơbàn ờ niam ngan rlau jơh, rcang lài phan bơna tơl mờ sùm tàm tiah hơ\ tơn, sùm đơng lam, lòt sền mờ gròi sền broă lơh rcang sơndră trồ tiah lơh aniai…Kung tàm dơ\ pơrjum, ală kuang bàng yal ală broă rơndăp lơh sơndră wơl mờ mìu càl rbu\t dờng sồ 3 rềp kềng gah dà lềng. Đơs tàm dơ\ pơrjum, ồng Hoàng Trung Hải đơs tờm: Bơta gơbàn bơh trồ tiah dê ngai sơlơ ờ niam ngan, den tàng bè hơ\ ală broă lơh rcang sơndră trồ tiah lơh aniai geh sồr lơh pal mu\t lơh kràn cê jơh nùs. Tềng đăp mat, ală tiah kờn pal mhar mu\t lơh ală broă lơh sơndră wơl mờ mìu càl rbu\t dờng sồ 3, ngan là yal bơta gơbàn mờ mìu càl rbu\t dờng dê mờ hòi jà ală ơhò lòt tàm dà lềng mu\t ơm tàm tiah pleh lơngăp lơngai ờdo ờdă.

Cau cih mờ yal tơngi\t- Lơ Mu K’ Yến