VOV4.K’ho – Drim òr 30/11, ồng Huỳnh Ngọc Sơn kuang jat jơng atbồ Gơnoar ala mat dà lơgar tìp mat mờ cau te\ khà tàm ală kơnhoàl: Hải Châu, Thanh Khê, Sơn Trà, Ngũ Hành Sơn mờ Cẩm Lệ, [òn dờng Đà Nẵng. Uă ngan jơnau đơs tă pơ gồp bơh cau te\ khà dê đơs niam ngan cồng nha pơrjum dơ\ 10, Gơnoar ala mat dà lơgar kơnă 13 pa do dê. Mơya, uă cau te\ khà kung gam kơlôi rơcang mờ ờ suk bè bơta dà lềng đah mat tơngai lik tềng đap broă lơgar Lo ngai sơlơ lơh uă tai ală broă lơh tam gơl pa ală [làng lu\ tàm Trường Sa. Bè bơta rơcang sơndră sa kuề sa kùa, cau te\ khà [òn dờng Đà Nẵng kơ\p kờ` Gơnoar ala mat dà lơgar pơn jat tai lơh niam gơnoar broă sền gròi, lơh glài kràn ală dơ\ sa kuề sa kùa, lơh geh wơl bơta pin dờn tàm làng bol. Yal cồng nha pơrjum dơ\ 10, Gơnoar ala mat dà lơgar kơnă 13 pa do, ồng Huỳnh Ngọc Sơn pà gi\t, nam 2015 tàm tu\ tơngai gam uă bơta kal ke mơya broă lơh sa lơgar he dê tam gơl uă ngan. Mơya, lơh sa lơgar he ờ hềt kơ\ kơl jăp, dồs dà lơgar sơlơ gơguh mhar, ală bơta lơh tìs, bơta ờ niam sa kuề sa kùa gơbàn kal ke. Ồng Huỳnh Ngọc Sơn pà gi\t, bơta dà lềng đah mat tơngai lik pơn jat tai gơbàn kal ke. Mờ đơs tờm, tềng đap ală broă lơh bơh lơgar Lo dê, bol he neh ngan ngồn sơndră wơl mờ tam dră tàm ală dơ\ cribơyai dunia, mơkung pơn jat tai tơnguh jơnhoa jơnau gi\t wa\ gi\t kơrya lài, pleh gơtìp rơndăp rơndồl ni sơna.