VOV4.K’ho - Drim òr (25/12), tàm Hà Nội, mpồl đơng lam Đảng dà lơgar neh bơyai lơh pơrjum pờ tơn tàm internet tơn jơh bè broă lơh jăt kơrnoăt sồ 03 gah gùng dră bal dà lơgar dê bè “Pơn jăt tai chồl pràn broă bơsram sră mờ lơh jăt ơnà jăk Bác Hồ dê”. Đơs tàm pơrjum, ồng Lê Hồng Anh, kuang geh jơng tàm gah gùng dră bal dà lơgar, duh broă sùm mpồl đơng lam Đảng dà lơgar neh pơnjờng mpồl lơh broă, cau 1 nă să is neh geh uă cồng nha mờ tus bal tàm broă bơsram mờ lơh jăt ơnà jăk Bác Hồ dê tàm tơngai do. Mờ sồr: tơngai tus, broă bơsram mờ lơh jăt ơnà jăk Bác Hồ pal geh lơh sùm; pơn jăt tai lơh mùl màl lơh kơrnoăt sồ 03 bơh gah gùng dră bal dà lơgar tàm mpồl anih lơh broă dà lơgar; kơnă Đảng, gơnoar atbồ ală kơnă pal sền gròi đơng lam lơh jăk broă do.

        Cau cih mờ yal tơng^t Ndong Brawl