VOV4.K’ho – Ngai òr 17/01, ồng Lê Hồng Anh lơh broă sùm tàm Mpồl đơng lam Đảng dà lơgar mơkung là kuang atbồ Mpồl bơyai lơh drơng broă Pơrjum dờng dơ\ 12 bơh Đảng dê đơng lam bal mờ ală kuang bàng tàm mpồl lơh broă do neh lòt sền jơh ală broă lơh drơng Pơrjum dờng dơ\ 12 bơh Đảng dê tàm Hìu pơrjum dờng Dà lơgar là tiah geh lơh Pơrjum dờng dơ\ 12 bơh Đảng dê.

Đơs tàm dơ\ lơh broă, ồng Lê Hồng Anh đơs niam ngan broă rơcang bơh Mpồl lơh broă bơyai drơng Pơrjum dờng, ală gah sơnah lơh broă geh gơnoar, kuang bàng, cau lơh broă mờ cau ling tàm ală mpồl ling tus bal lơh broă drơng Pơrjum dờng. Ồng Lê Hồng Anh sồr Mpồl bơyai lơh drơng pơrjum dờng, ală gah sơnah lơh broă mờ jơh ală kuang bàng, cau lơh broă, cau ling tàm ală mpồl ling tus bal drơng tơn Pơrjum dờng kờn pal lơh ngan uă rlau tai, lơh gơs jak ngan ală kơnòl broă geh jàu nàng Pơrjum dờng dơ\ 12 bơh Đảng dê lơh geh cồng nha niam bơne\.

Cau cih mờ yal tơngi\t- Lơ Mu K’ Yến