VOV4.K’ho - Gah lơh broa\ mờ lơgar cau dà lơgar kờ` pal mut lơh broa\ lơh mờ lơgar cau dơle\ bal, tơl làm  geh lơh bal nền nòn bơh lơh broa\ mờ lơgar cau bơh Đảng, lơh broa\  mờ lơgar cau dà lơgar lơh broa\ mờ lơgar cau làng bol dê”. Do la lam sồr bơh ồng Lê Hồng Anh kuang geh jơng gah gùng dra\ bal dà lơgar,  lơh broa\ sùm tàm mpồl đơng lam  atbồ Đảng dà lơgar tàm dơ\ pơrjum  mut lơh jat  gùng dà broa\ lơh nam 2016 bơh  gah lơh broa\ mờ lơgar cau dà lơgar. Dơ\ pơrjum geh lơh tàm drim òr (14/01)  tàm Hà Nội. Ồng Lê Hồng Anh đơs tờm,  nam 2016 la nam geh  ua\ ngan bơta dờng geh pơrya kuơ màng ngan bơh dà lơgar he. Hơ\ la pơrjum gùt lơgar dơ\ 12 bơh Đảng, pò kuang bàng Gơnoar ala mat dà lơgar, mpồl duh broa\ ala mat làng bol ala\ kơna\, la nam sơnrờp mut lơh jat broa\ lơh bơtàu tơngguh  lơh sa mpồl bơtìan 5 nam bơh 2016-2020, nam lơh broa\ bơh mpồl bơtìan ASEAN mờ kung la nam Việt Nam mut lơh ua\ ngan broa\ lơh kơrnuat ka\ bro khat gơboh kuơ màng. Den tàng,  gah lơh broa\ mờ lơgar cau dà lơgar kờ` pal lơh niam rlau tai broa\ mơ mờ lơgar cau bơh dơ\ pơrjum dơ\ 12 bơh Đảng, do la tu\ nàng geh mblàng pơlam geh cồng nha bè  rài kis tam gơl pa bơh dà lơgar, bè bơnga\ atbồ bơh Đảng.

                             Cau cih mờ yal tơnggit K’ Brọp