VOV4.K’ho - Pơn jăt tai dơ\ lòt còp mờ lơh broă tàm càr Dak Nông, ngai òr 17/3, ồng Ngô Văn Dụ kuang geh jơng Gah Gùng dră bal dà lơgar, Kuang đơng lam Đảng dà lơgar, mơkung là Kuang atbồ Anih duh broă sền sơ wì dà lơgar neh lơh broă mờ Mpồl lơh broă sùm Mpồl đơng lam Đảng kơnhoàl Dak R’lấp, mờ lòt sền tơngai pơrgon lơh gơs Hìu măi Alumin Nhân Cơ, càr Dak Nông. Lơh broă mờ Mpồl ătbồ rơndăp broă lơh, ồng Ngô Văn Dụ đơs tờm: Dak Nông geh bơta pràn bơta jak nàng tơnhàu bausite- alumin, la jơnau bươn boài nàng bơtàu tơnguh jăt gùng lơh sa mờ măi mok, tam gơl pa dà lơgar. Mơya, tơnhàu bausite pal lơh niam bal mờ sền gàr cồng nha lơh sa- tiah ơm kis- sền gàr tơl niam rài kis mpồl bơtiàn. Mpồl atbồ rơndăp broă lơh kờn pal lơh mhar tơngai pơrgon lơh gơs broă, nàng lồi nam do geh phan bơna bơh sơn rờp. Tu\ hìu măy ai ngui lơh broă, kờn pal rơndăp tăp sèng, atbồ lơh broă dipal, sền gròi ai cau lơh broă tàm tiah do in, gơ jăt bal mờ bơtàu tơnguh lơh sa mờ sền gàr bơta ngăp lơngai dà lơgar.