VOV4.K’ho - Pơnjat tai dơ\ lơh broa\  tàm Tây Nguyên, ngai òr 19/03, ồng Ngô Văn Dụ kuang atbồ  sền sơ wì dà lơgar neh lơh broa\ mờ mpồl đơng lam Đảng kơnhoàl Krông Năng mờ mpồl đơng lam Đảng kơnhoàl Krông Buk, càr Dak Lak. Mho òr, lơh broa\ mờ mpồl đơng lam Đảng kơnhoàl Krông Buk, ồng Ngô Văn Dụ sền gròi ngan cồng nha mut lơh broa\ lơh bơt bơtàu [òn lơgar pa, mờ di 50% khà geh jàu. Ồng Ngô Văn Dụ kung tơng kah kơnhoàl Krông Buk, bal mờ dơ\ rcang dơ\ pơrjum Đảng ala\ kơna\ nền nòn ngan, Krông Buk pal lơh ngan mut lơh broa\ sơndra\ trồ prang nàng tơmù gơbàn aniai hoàc hươr tàm lơh sa. Ồng Ngô Văn Dụ đơs:“Pơnjat tai lam sồr ala\ broa\ lơh tềng đap mat nàng lơh gơs ala\ broa\ lơh nam 2015 do, ờ di mìng  lơh broa\ pơrjum  lời ala\ broa\ ndai. Tàm broa\ lơh tờm tềng đap mat, ala\ oh mi cau kuang dê la pal lam sồr lơh sa, pơnjat tai sền jat bơta trồ tiah nàng tam dra\, geh ala\ broa\ lơh nàng lơh di chi tam, phan ròng. Geh broa\ lơh jo\ jòng ndang mờ geh broa\ lơh nàng di pal mờ broa\ lơh di mơ tơngai. Geh ai git broa\ lơh bơh dơ\ tơngai lơh broa\ nàng rcang dơ\ pơrjum tàm ala\ gah broa\ lơh, bơh hơ\ geh mblàng ala\ cồng nha neh lơh geh, sền dờp  bơta mùl màl song dơpa\ nàng geh lơh geh broa\ lơh geh lơh ngan niam rlau tus broa\ lơh tơngai tus tàm ala\ bơta bè lơh sa, mpồl bơtìan, sền gàr ngap lơngai dà lơgar mờ broa\ lơh bơt bơtàu Đảng”.

            Lài hơ\, tàm drim òr,  lơh broa\ mờ mpồl đơng lam Đảng Krông Năng, ồng Ngô Văn Dụ kung geh đơs jơnhua ala\ cồng nha kơnhoàl do tàm ala\ gah lơh sa-mpồl bơtìan.