VOV4.K’ho – Tàm dơ\ lòt còp gi\t gơ\p lơh bơyô ngan ngồn lơgar Lào, drim òr 25/11, ồng Nguyễn Phú Trọng, Kuang atbồ đơng lam Đảng dà lơgar tus còp mờ boh bơr mờ kuang bàng, cau pơgru, cau bơsram dờng Hìu bơsram Dà lơgar Lào. Ồng Nguyễn Phú Trọng chờ hờp bè ală cồng nha dờng ngan mờ hìu bơsram dờng neh lơh geh; pin dờn tàm tơngai tus, Hìu bơsram dờng Dà lơgar Lào geh gơ gơs là dùl hìu bơsram dờng jak chài ngan, lơh geh tơl khà tàm tiah do mờ tàm dunia, lơh geh jơnau kờn ngai sơlơ uă bơh broă lơh tam gơl pa, lơh sa pa mờ măy mok, tam gơl pa dà lơgar, bơtàu tơnguh dà lơgar Lào. Ồng Nguyễn Phú Trọng kơ\p kờn mờ pin dờn tàm rơnàng kơnòm să bàr lơgar Lào mờ Việt Nam geh ngui bơta pràn kơnòm să, bơta jơh nùs, bơceh pa nàng bơ\t bơtàu dà lơgar pas sơm pràn kơldang; pơn jat tai sền dờng màng, sền gàr mờ pơn jat tai brồ guh jơtài dờng màng ngan bơh bơta gi\t gơ\p ờ tu\ lơi tam gơl, song niam đah Việt Nam mờ Lào.

Cau cih mờ yal tơngi\t- Lơ Mu K’ Yến