VOV4.K’ho - Pơn jăt tai dơ\ tus còp mùl màl lơgar Nhờk, drim òr (17/9), ồng Nguyễn Phú Trọng, kuang atbồ đơng lam Đảng dà lơgar neh cri bơyai mờ Gơnoar ala măt dà lơgar bal mờ Gơnoar ala măt [òn lơgar, lơgar Nhờk; wă kuang bàng đơng lam Đảng Cộng sản lơgar Nhờk, Đảng lơh tòm lơgar Nhờk mờ Kuang atbồ anih lơh broă bal dunia lơgar Nhờk (JICA). Tàm ală dơ\ cri bơyai, ồng Nguyễn Phú Trọng neh đơs tòm, lơgar Việt Nam sùm sền lơgar Nhờk là lơgar lơh broă bal kuơ màng lài ngan mờ jo\ jòng; do là gùng dà, broă lơh bal mờ lơgar ndai pal geh mờ geh sùm lơgar Việt Nam dê. Ồng Nguyễn Phú Trọng kơ\p kờ` chồl pràn tơl ală bơta mờ lơh uă rơlao tai broă lơh bal kuơ màng uă bơta bơh lơgar Việt Nam mờ lơgar Nhờk; chồl pràn broă tìp bal ală kơnă, ală gah bơh 2 lơgar, tàm hơ\ geh broă tìp bal mờ lơh broă bal bơh Gơnoar ala măt dà lơgar Việt Nam mờ Gơnoar ala măt dà lơgar Nhờk tàm ală broă lơh bal bơh 2 lơgar mờ uă lơgar; đơs niam ală broă mờng chài tàm broă lơh adăt boh lam mờ Gơnoar ala măt dà lơgar Nhờk neh tam pà mờ Gơnoar ala măt dà lơgar Việt Nam.

        Cau cih mờ yal tơng^t Ndong Brawl